Тоонто нютагни, тоонтомни…. Ямар гоё hайхан буряад угэнуудэй холболол гээшэб! Энэ угэнуудые хэлэхэдэмни, сэдьхэл hанаандамни ехэ дулаахан, хухюухэн, хэлэгдэшэгуй хунгэн болошодог. Юундэб гэхэдэ, минии тоонто нютагни хада уулаараа суурхаhан, хангай тайгаараа нэмжыhэн Хурамхаан аймагай тосхонуудай нэгэн - Аргата hуурин болоно.

Эндэл хайрата аба эжынгээ гэртэ наhанайнгаа туруушын алхануудые хээбиб, эгээл туруушынгээ «эхэмни, эсэгэмни» гэжэ угэнуудээ хэлээбиб, наhанайнгаа шухала зорилгонуудые, гол тусэбуудые табяабиб. Минии бага балшар наhан, эрдэм hургуулиин уе саг, эгээл «алтан» жэлнуудни эндэл унгэроо… Бага наhандаа хун бухэн ямаршье, хэзээнhээшье жаргалтай, хухюун доруюн, hанаагаа зобонгуй, ерээдуй саг тухай бодолдо оронгуй ябана ха юм даа. Тиимэhээ балшар бага наhандаа ажаhууhан нютаг эгээл дутэ байгаа ёhотой.

Теэд муноо болоходо, мэдэгдэнгуй хорёод жэлнууд унгэроо, бидэнэр hургуулияа дуургэжэ, дээдын эрдэмээ хото городhоо абажа, турэл нютагтаа, турэлхи аймагтаа бусажа ерээбди. Тиигээшье hаа минии тосхон тэрэл зангаараа олон ухибуудтэй, тоологдошогуй олон ухэр малтай, хун зон ажал худэлмэритэй, хушэр хундэ сагуудые бэрхээр дабан гараад байна гэжэ би hананаб.

Худоодэ ажаhуудаг хун зоной ажал худэлмэри нэгэшье бэлэн, хунгэн бэшэ ха юм даа – уурэй сайхын хамта унтариhаа бодожо, углоонэй сайнгаа дээжыень бурхандаа ургэжэ, hуулээрнь оороошье ябадал дунда халуун сайгаа уужа, муноохил  удэр бухэнэйнгоо ажалдаа гарана, ухэр малаа хойноhоонь эсээ сусаагуй ябана. Юундэб гэхэдэ, худоогэй ажал худэлмэри нэгэшье амаралтын удэр мэдуулдэггуй ха юм,  шадаха зэргээрээ хун бухэн ажабайдалаа hайшаруулжа байна ха юм даа. Хэрбээ худоодэ ажаhуугшадта тогтууритай ажал худэлмэри угы hаа,  адууhа мал удхоогуй hаа, яажа эдеэ хоолоо оложо, ури хуугэдоо тэжээхэ гээшэб? Тимэhээ минии нютагаархид хэдыш хушэр саг тохёолдоошье hаань, ерээдуй сагта яарангуй ажаhууха шадалтай байха гэжэ би найданаб.

Турэл нютагни ургэн уужам тала газартай, элбэг ехэ уhатай саhатай, – иимэ гоё  арга боломжонууд манай Буряад ороной, Росси гуурэнэй, тиимэшье олон нютаг hууринда бии бэшэ ха юм. Манай гуурэн муноо сагта худоо ажахые hэргээхэ, хугжоохэ, ургэхынь тула олон проектнуудые, программануудые hайжаруулна, тиимэhээ энэ арга боломжонуудые алдангуй, оорынгоо хусэл шадалаа хамтаруулжа, хурсадхажа, нютагаархимнай ямаршье дабаануудые гаталжа, ажабайдалаа хэдышье hайжаруулха арга шадалтай. Тиимэhээ минии тосхон, минии тоонто муноо сагта хунгоор амилна, урагшаа зорино, ерээдуй сагта бэлэн байна. Тиигээд, хододоо иимэл сэбэр hайхан, урин залуухан, баян бардамхан, саг ошохо бури ушоо гоё боложо, баглаа сэсэгээр ходол hалбаржа  байгыш даа, Аргатамни!