ЭХЭ ХЭЛЭН – МАНАЙ БАЯЛИГ

Бүгэдэ буряадай буряад хэлэнэй III-дугаар мүрысөөн

Буддын шажантанай заншалта

Сангхын дурадхалаар эмхидхэгдэнэ

Тус мүрысөөн «Информ-Полис» сониной дэмжэлгээр үнгэрнэ

1. Мүрысөөнэй зорилгонууд

• Мүрысөөн буряад хэлэнэй гайхамшагта баялиг болохо нютаг хэлэнүүдые алдангүй үлөөхэ, нютаг хэлээрээ харилсаха таарамжатай оршон байгуулхын тула эмхидхэгдэнэ.
• Хүүгэд, залуушуулые буряад хэлэ үзэхэдэнь урмашуулан дэмжэжэ, түрэл арадайнгаа хэлэ, соёл, уралиг, түүхые саашань арьбадхан болбосоруулха хүсэл түрүүлжэ, түрэл арадайнгаа баялиг болохо эжы, абынгаа хэлэ сэгнүүлжэ һургаха.

2. Мүрысөөнэй үнгэрхэ болзор, хаяг

2014 оной 11 һарын 29-нэй үдэр Ивалгын дасанда болохо.

Бүридхэл: 11 һарын 29-дэ үглөөнэй 9.00 сагһаа 10.00 хүрэтэр.

3. Мүрысөөндэ хабаадагшад

• 7 хүнһөө бүридэһэн бүлгэм соо эхин, дунда, ахамад ангинуудай һурагшад заатагүй орохо ёһотой. Бүлгэмэй бүридэлдэ 70 хубинь басагад байха зэргэтэй (басагад буряад заншалаар үһэеэ гүрэнхэй байха ёһотой).

4. Мүрысөөнэй эрилтэнүүд

• Мүрысөөндэ хабаадагшад түрэл хэлээрээ сүлөө сэдэбээр хөөрэлдэхэ, һанал бодолоо найруулан зохёохо дадал, дүршэлтэй байха.
• Нютаг бүхэниие түлөөлжэ ерэһэн хабаадагшад өөрынгөө нютаг хэлээр хэлэхэ, хөөрэхэ, мүрысөөгөө хамгаалха шухала.

5. Нэмэлтэ мэдээсэл

Хүндэтэ һурагшад, тус наадамнай Буддын шажанай Ехэ һургуулиин танхимууд соо үнгэрхэ. Мүрысөөнэй тала бүхэндэ үгтэһэн  даабаринууд амяарлан шалгагдаха байһанһаа, командын гэшүүд нэгэ доро элдэб танхимуудаар таран ошохо.