Манай турэсэн нютагта Малагар томо хаданууд Ундэр томо ууланууд Оршожо байдаг нютагтамнай.

Туруушээр зунай эхиндэ

Тахижа обоогоо эхилдэгбди

Тахилгын зунай обоонууд

Таглиин обоонhоо эхилдэгбди.

Ториингоо гол руу шэртэhэн

Томо гэгшын уулые

«Хаан баабай» алдартай

Хоер таладаа тахилантай.

Сэрэгэй хубуудые аршалдаг

Сэрэгшэ баатар эзэнтэй

Сээнтэрэй зоной тахидаг

«Санта Баабай» обоомной.

Отог отогоороо урданай тахигдадаг лэ

Олон юм даа обоонууд нютагтамнай,

Эхэ, эсэгынгээ захяау мартангуй

Эрьен ерэжэ тахидаг лэ обоогоо нютагаархин.

Бугдэ манай Жаргантын зомной

Буянта уулаяа тахидаг юм даа

Хонгор уула, Сагаан обоогоо

Хамаг уулзараймнай зон тахидаг.

Хамагай суулдэ оройшог тахидаг,

Хабтагай обоогоор тахилган дуурэдэг,

hанаагаа амаран сэдьхэлээ тэнюулэн

хам гэжэ зомной убhэндѳѳ ородог

эхэ эсэгынгээ захяа дуургэн

эзэдтэй ууландаа тахижа  байха юм

хариин нютагта хаанашье байбал

узэлдэ орохынь хулеэжэ байнгуй

харижа обоогоо тахижал байха юм.

    Дамбаев Б.Ч.