Хуурай – hубаг

Тонтор дайдаяа, Баян- Мандалаа намаалуулһан,

Yдэр бүри урдаһан,

Тоонто нютагаа үрэжүүлhэн,

Yбгэд, хүгшэдөө найжалһан

 Дабталга:

Адуу малаа ундалһан,

Арад зоноо баяжуулһан,

Yнэр баян түүхэтэй

Хуурай – hубагни,

Хуурай – hубагни - баян голни.

Бухайн Хэбтэшэ, Тахил Хээшэеэ ногооруулһан,

Бага нютагым һалбаруулһан,

Yри хүүгэдээ тэнжээhэн,

Yглөө бүри урдаһан

Дабталга:

Адуу малаа ундалһан,

Арад зоноо баяжуулһан,

Yнэр баян түүхэтэй

Хуурай – hубагни,

Хуурай – hубагни - баян голни

Саяан  хадатаяа бата бэхеэр холбоотой,

Сэнхир  огторгойһоо наратаһан,

Yндэр тэнгэриһээ  үршөөлтэй,

Yргэн уужам hубагни

Дабталга:

Адуу малаа ундалһан,

Арад зоноо баяжуулһан,

Yнэр баян түүхэтэй

Хуурай – hубагни,

Хуурай – hубагни - баян голни.

Василий Сыренович Распутинов