Манай булэдэ долоон ухибууд турэhэн байгаа. Хубуудынь тогтоогуй, наhа барашоо. Тиихэдэнь эгэшыемнай айлда ургэжэ угэхэдэнь, амиды улэhэн, харин намайе ушoо турoогуй байхадамни, наймаалха ёhотой байгаад, абамнай ехээр харамнажа, нэгэ хэлэгуй эмгээдэ угэжэ, тэрэнь минии хуухэн гэжэ нэрлээд, хун болгожо табиhан юм.

Эсэгымни эгээ одхон дууниинь Гончик гэжэ хубуунтэй байгаа. Тэрэ хубуунэйнь хубуун Базар, Баяр, Аюур гэжэ гурбан хубуудтэй, hая сагаалжа манайда ерэхэдээ:

-     Манай Байдагтан угада ехэнхидээ ургэмэл хубууд байна. Энэ угаймнай нэгэ бэринь сабшалан дээрээ унашоод, хэбтээ юм ха. Тиихэдэнь Базараймнай эжын ошоходонь:

-    Байдагтанда абаха, эдихэ юумэн угы, намда юрэдoo хамаагуй, - гэжэ хэбтэhэн зандаа хэлэдэг юм байна. Тиихэдэнь эжынь юушье хэлэнгуй, унгэроo. Байдагтанай угын долоодохи уедэ нэгэ сэсэн хун турэхэ ёhотой юм, намдал турэхэ ёhотой юм hэн, гэжэ хэлэжэ hуугаа бэлэй.

-    Байдагтанда абаха, эдихэ, нээрээhээшье, юун бии юм? гэжэ hурахадамни:

Угы, Байдагтанай Цэвэг, Дарбалаа гэгшэд бусажа, мандаа турэхэ ёhотой юм, - гэжэ намдаа хеерэжэ, хоoрэжэ ябаа hэн даа.

Тахяашанай байра шудхэртэй юм гэжэ хунууд хoорэлдэдэг. Нэгэтэ Эрдэм гэжэ ангуушанай агнуурида ябахадань, эгээл тэрэ Тахяашанай байрын гушаа мориниинь ябажа ябатараа, эгтээ шудэрлэгдэшоо. Тиихэдэнь агнууриингаа хутагые убэрhoo гаргажа, нара зуб арба дахин бэеэ тойруулжа, эрьюулхэдэнь, моринииньшье ябажархёо. Эрдэмэйшье гэнтэ айдаhаниинь хуроод лэ, Газын дабаагаар угсэнэб гэжэ уруудаад, тоорижэ ябаад, гэртээ ерэшэhэн байгаа гэхэ.

Тэрэ газарта уе-уе болоод лэ, эгтээ ябаhан машина хумэришэдэг. Нэгэтэ трактораар Зуун Ториин хунгэй манай турэл эхэнэр хоёртой хубуунтэеэ угсэлсэжэ ябаа. Гэнтэ тракторынь халба hуроод, хумэрижэ байха уедэнь тэрэ эхэнэр эгтээ нээгдэшэhэн уудээрэнь нарай хубуугээ харгын хажуудахи ханааб руу шэдэжэ урдиhэн байгаа. Эхэ хун хадаа нэн туруун ухибуун тухайгаа бодоо юм ааб даа. Тиигэжэ тракторайнгаа хумэрихэдэ, трактористатаяа тэрэ эхэнэр наhа барашоо бэлэй.

Ушоo тиихэдэ дабhа ашаhан манай совхозой машина баhал эгээл тэрэ газарта хумэрhэн байна. Жолоошониинь ухэхэгуй хубигай байгаа юм ааб даа, хул, гараа, 6-7 хабиргаа хухаранхай, мэдээ ухаангуй хэбтэхэдэнь, хойноhоонь ерэhэн машинатай хунууд абарhан байгаа гэлсэдэг.

Муноoшье болотор тэрэ Тахяашанай байрада уе-уе болоод лэ, гэнтын аюул боложол байдагань, ехэл гайхалтай.