"Дайнай хушэр хундэ жэлнууд хунэй ухаанhаа гаража ошохогуй ха юм даа". Бидэнэр тиихэдэ 10 гаран наhатай хубууд, басагад ябаа гээшэбди. Колхозойнгоо хамаг ажалые хэхэ гээшэ убгэд, хугшэд, басагад манда адли ухибууд байhан юм. Яахабши даа. Тиимэ хуби заяатай турэhэн хунууд байбабди. 360 хоног соо оодоо хараха забhаргуй худэлхэш. Ядахадаа хубсаhа ханараа угааха забhаршье улэхэгуй, ябахыса ябагдаа даа.

Би 1938 ондо hургуулида ороод, 4 класс дуургээд, колхозой ажал хэжэ эхилээб. Эсэгэмни Сотиин Дамба 1942 ондо дайда мордоhон аад, сентябрь hарада наhа бараа гэhэн саарhан ерээ hэн. Дайнай жэлнууд соо убhэрдэ ябааб, урхэроор паар хахаллааб, мореор намартаа боодолго зоогшэ hэм. Нормоо улуу дуургэхээ оролдохош. Газарай хурэhэн хойно молотилко дээрэ худэлдэг байгаабди. Тамиртай зон барабан дээрэ байха еhотой. Жаткаар хадахадаа баhал басагад ябаха. Гараhан талхаяа Хилгана абаашажа, гурэндэ тушаадаг hэн. hулдэнь Баргажанай эрьедэ пристань ошодог болоо hэн.

Намартаа, убэлдоо будуун гэгшын нарhан модо асаржа, 5 сантиметрэй тэбхэнсэгуудые тракторта тулижэ болохыень бэлдэхэш.

Эхэ ороноо, турэл гал гуламтаяа, ури хуугэдэйнгээ ерээдуйе ами бэеэрээ аршалhан сэрэгшэд, ара талын худэлмэришэдтэ доро дохинобди.

Денис Булгутов хэблэлдэ бэлдээ