«Дайнай хYшэр хYндэ жэлнYYд хYнэй ухаанhаа гаража ошохогYй ха юм даа. hанагдана даа, hанагдана. Бидэнэр тиихэдэ арба гаран наhатай хYбYYд, басагад ябаа гээшэбди. 

Колхозойнгоо хамаг ажалые хэхэ Yбгэд, хYгшэд, басагад,  хYбYYд байhан юм. Яахабши даа. Тиимэ хуби заяатай тYрэhэн хYнYYд байбабди. 360 хоног соо ɵɵдɵɵ хараха забhаргYй хYдэлхэш, ядахадаа хубсаhа хунараа угааха забhаршье YлэхэгYй, ябахыса ябагдаа.
 
Би 1936 ондо hургуулида ороод, дYрбэн класс дYYргээд, колхозой ажал хэжэ эхилээб. Эсэгэмни Сотиин Дамба 1942 оной март hара соо дайнда мордohон аад, сентябрь hарада наhа барaа гэhэн саaрhан ерээ hэн. Дайнай жэлнYYд соо Yбhэндэ ябааб, Yрхэрɵɵр паар хахалааб, мореор намартаа боодолго зɵɵгшэ hэм. Нэгэ бухалда 12 боодолго орохо,  1 хабаанха тэргэдэ 4 бухал багтаха. Тоог дээрэ асархадам, сомоо болгожо hYрилхэ. Yрдилɵɵн соо ябахаш. Нормоо YлYY дYYргэхэеэ оролдохош. Газарай хYрэhэн хойно молотилко дээрэ хYдэлдэг байгаабди. Тамиртай зон барабан дээрэнь  байха еhотой hэн. Ныкешкина Жэгжэма, Олмоева Цырма хоерые hананаб. Дамбаева Эржима Буянтын Будайн Самажаб хоер hайсахан бухалнуудые зɵɵhэн байхабди.
 
Жаткаар хадахадаа, баhал басагад ябаха. Гараhан талхаяа Хилгана абаашажа, гYрэндэ тушаадаг hэн. hYYлдэнь Баргажанай эрьедэ пристань ошодог болобобди.
 
Намартаа,  Yбэлдɵɵ бYдYYн гэгшын нарhан модо асаржа, 5 см болохо тэбхэнсэгYYдые тракторта тYлишэ болохыень бэлдэхэш. Басагад Улзетуева Дэжэдма,  Борисойн Гумбэд, Мунхэйн Дунсама, Мандарова Бутэд модо шэрэлсэдэг байгаа.
 
Мореор хYбYYд модо шэрэжэ, шаг шууяан ябаха. Наhатай эхэнэрнYYд Yрхэрɵɵр шэрэхэ. Эдихэ ууха юумэеэ cYм фронт эльгээхэбди. Эндээ байhан зон бYhэеэ шангаар татад гээд ябаа бэзэбди даа.

ХYнтэй дээрэ Алсакова Шоогой, Галсанова Пальжид, Раднaева Бальжима, Бадмайн Хоргадай гэгшэд тракторта хYдэлдэг hэн».
 
Раднаева Анна Шагдуровна хоорэлдэбэ.