Базаров Сэдэб «Бишыхан багша» гэжэ Ульдэргэ нютагтаа алдаршаһан хүн юм. 1922 ондо Заха –Толгой гэжэ газарта өөрынгөө һайхан сэдьхэлээр һургуули эмхидхэһэн түүхэтэй .

Зай, мүнөө манай Эгэтын –Адагай дунда һургуулиин багша Цырен –Ханда Жамсуевнада Үльдэргэ нютагһаа манай бэри боложо ерэһэн хүн юм үгэ үгэе :Үльдэргын һургуулиин түүхэ Бишыхан багшаһаа эхилдэг . Шүрбэгэр сагаан һахалтай, хурса дүүрэн шарайтай, монголшо энэ үбгэн нютагайнгаа олохон лэ үхибүүдтэ монгол бэшэг заажа, багша гэжэ нэрлүүлжэ, мүнөө хүрэтэр нютагай зоной һайн һайханаар дурсажа ябана ха юм . Бишыхан багшын алта, мүнгэ суглуулһан байгаа һаань, мүнөө сууряан болоод үнгэрһэн байха байгаа бэзэ . Харин эрхим баян – эрдэм бэлиг гээшэмнай далай мэтэ дундаршагүй баялиг ха юм . Энэ баялигһаань манай үбгэ эсэгэнэр булта хүртөө, эрдэм номдо һураа, Бишыхан багшаяа мүнхэлөө . Иимэл даа багшын нэрэ мүнхэ ! «Үлзы һайхан Үльдэргэмнай» гэһэн номһоо, 65-хи хуудаһан .

Бишыдан багша манай Эгэтын – Адагай эхин һургуулида 1932 -1933 онуудай һуралсалай жэлнүүдтэ багшалһан юм . Тиихэ үеын һурагшад байһан Хандажаб Шагдаровна Хандамаева, ажалай ветеран, Эхэ –герой, ба Цыжип Аюшеевна Цыренжаповна, багшын ажалай ветеран, хүндэлэлэй Тэмдэг ордентой Бишыхан багшада заалгаһан тухайдаа мүнөө дулааханаар дурсан ябадаг юм .