Элитэ поэт, журналист, СССР-эй уран зохёолшодой, журналистнуудай холбоонуудай гэшүүн, Буряадай комсомолой шангай лауреатМэлс Жамьянович Самбуев 1940 оной февралиин 13-даЗахааминайаймагайСанага тосхоной Хойто - Эреэн гэжэ нэрэтэй газарта түрэһэн юм.
 
Мэлс Самбуев 1963 ондо Эрхүүгэй университет дүүргэжэ ерээд, Буряадай телевиденидэ ажаллажа эхилнэ.
 
Урин миһэрэл, уран үгөөрөө телевизор харагшадай сэдьхэл эзэлһэн Мэлс Самбуев 1969 ондо Москва хотодо үнгэрһэн залуу уран зохеолшодой Бүхэсоюзна V - дахи зүблөөндэ хабаадаха золтой байгаа.
 
Тэрэл үедэ СССР-эй уран зохеолшодой холбооной гэшүүн боложо абтана. Олон жэлэй хугасаа соо Мэлс Жамьянович Самбуев Буряадайнгаа радиокомитедтэ редактораар хүдэлһэн юм.
 
М.Самбуевай шүлэгүүд «Байгал», «Октябрь», «Нева», «Дружба народов», «Наш современник», «Сибирские огни», журналнуудта, хамтын согсолборинууд болон антологинуудта тунхаглагдаһан, монгол, украин, казах, латыш, яхад, тува хэлэнүүдтэ оршуулагдаһан юм.
 
«Современник», «Советский писатель» гэһэн Москвагай хэблэлнүүдтэ ород хэлэн дээрэ «Таёжная роса» болон «Дед Доржи» гэһэн номуудынь нэгэ доро хэблэгдэн гараа һэн.
 
«Доржо таабай» гэһэн поэмэһээнь жэбэр нэмэһэн поэт удаа дараалан хэдэн поэмэ хойно хойноһоонь бэшэжэ, энэ жанрта уран аргатай байһанаа гэршэлнэ.
 
Буряад дайдаараа, тэрэ үеын СССР гүрэнөөр яһалашье аяншалаа, хаанашье ошоод бусаха бүхэндөө тэрэ дайдынгаа нютаг нугын һайханиие, хүн тухай, хүнэй сэдьхэлэй һайханиие зураглаһан олон тоото шүлэгүүд, поэмэнүүдые асардаг байгаа. Тиигэжэ «Таймыр», «Мамайн добуунһаа дурдалга» гэһэн поэмэнүүд бии болоһон түүхэтэй.
 
Мэлс Самбуев наһанайнгаа һүүлшын үедэ илангаяа эдэбхи ехэтэйгээр, эбдүүсэн бэшэдэг болоһониинь анхарагдаһан байха юм. Зүн татаа гээшэ гү?..
 
Тэрэнэй наһа бараһан хойно шүлэгүүдэйнь хоер ном буряад хэлэн дээрээ хэблэгдээ - «Алтан одоной гэрэл», «Зуун дуун» - сонедүүдэй ном, тиихэдэ «Благодарю» гэһэн ном Москвада хэблэгдэһэн байгаа.
 
Уран шүлэгшэ Мэлс Самбуевай шүлэгүүд дээрэ олон тоото дуунуудые Буряадай композиторнуудбэшэһэн, тэдэ дуунуудынь үргэн олоной дунда мэдээжэ болонхой, мүнөөшье шанар, удхаяа гээгээгүй, дуулагдаһан зандаа.
 
Мүнөө һаяхана, 2012 оной февралиин 2-3-да һургуулиимнай шэнэ гуламтадаЗахаамин аймагай байгуулагдаһаар 85 жэлэй ойдо зорюулжа, аймагуудхоорондын эдир бэшэгшэдэй уран зохёолой мүрысөөнүнгэргэгдэбэ. Тусмүрысөөндэ Россиин Уран зохеолшодой холбооной гэшүүн, БуряадайУран зохеолшодой холбооной Правлениин түрүүлэгшэ, арадай поэт, Россиин герой, хасаг сэрэгүүдэй генерал, хасагуудай талаар Буряадай Президентын зүбшэлэгшэ, Россиин Буддын шажантанай заншалта Сангхын дид-хамба, арадай эмшэлэгшэ, Мальтийска орденой кавалер Матвей Рабданович Чойбонов түрүүтэй делегаци Улаан-Үдэ хотоһоо морилжо буугаа.Энэ үдэр Мэлс Жамьянович Самбуевта зорюулагдаһан булан арамнайлагдаба.

Энэ буланай нээлгэдэпоэдэй миндаһан дээрэ буулгагдаһан өөрөө уншаһан шүлэгүүдэйнь суглуулбари уран гоеор зэдэлээ. Мэлс Самбуевай бүлэ болохо Жалсанов Виктор Дарицыренович буряад хэлэнэй кабинедтэ поэдэй хубиин номой сан бэлэглэһэн байна. Мүн поэдэй үйһөөр бүтээгдэһэн дүрые,үйһэн үзэгүүдээр бэшэгдэһэн шүлэгэйнь мүрнүүдые манай Захааминай аймагай Нурта нютагһаа гарбалтай суута уран гартан Валерий Дашеевич Цыбиковбуряад хэлэнэй танхимда бэлэг болгон баряаһэн. Сугларһан үхибүүд, багшанар, айлшад поэдэй шүлэгүүдые уранаар уншаа,шүлэгүүдэйнь үгэнүүд дээрэ найруулагдаһан дуунуудыень гүйсэдхэжэ, шэхэнэй шэмэг болоһон байна.