Родословная Лубсановых

Шахай – 4 хγбγγтэй байҺан.  Нэгэдэхи хγбγγниинь – Хабуужан. Хабуужан анхан Тγнхэнһѳѳ ерэжэ Цахир голой Уулита гэжэ жалгын адагта һуурижаһан юм. Эндэ һая болотор сэргэнь байһан. Хасууртайн Дансарани  дабаанда малайнь харгы ба хγлһэншэдэйнь хажуураа дабтадаг шэнэһэн байгаа юм. Хабуужанай ехэ хγбγγн Дэлгэр. Дэлгэр хоёр хγбγγтэй байһан. Ехэ хγбγγн Олхото. Олхотын хγбγγн Улзы. Улзын хоёр хγбγγтэй байһан. Ехэ хγбγγниинь Жап, Дондок гэжэ нэрэтэй хγбγγтэй байһан. Дондогой хоёр хγбγγд Ошор, Гармажап  багадаа наһа бараһан. Һγγл хожом Дондок Данзан абгаһаань Бартааниие γргэжэ абаһан. Хоёр басагатай һэн. Ехэ басаган Дудари Жабай Лубсанай һамган болоһон. Дудариһаа гараһан нэгэ хγбγγн Дабаа нэгэ хγбγγтэй, 6 басагатай болоһон. 4-хи басаган Дарима минии эжы.
 
Лубсанов Дабаа Жапович  - таабайм, хүрхүүд угай болоно. Жабай Лубсанай ганса хүбүүн байhан юм. Хасуурта голой Шэбэртын Добо гэжэ газарта таабайм элинсэгүүд  hууhан түүхэтэй. Шэбэртын Добо тойроод харахада үбэл зунгүй хүхэ ногоон хасууряар хүреэлэгдэhэн, зүүн бэеэрынь Хасуурта голой амтата хүйтэн аршаан булагтал амтатай уhатай, түргэн урадхалтай горхон. Баруун хажуудань Хасууртай зоной шүтэдэг Баян саган уула.

Дабаа таабай бэеэр агдам, энеэбхилhэн галагар томо нюдэтэй, шог зугаада дуратай хүн байhан.  Эсэгэ ороноо хамгаалгын дайнай эхилхэдэ оройдоол 18-тай хүбүүн дайсанаа дарахаа Баруун фронт мордоhон.
 
Дайнhаа 1944 ондо түрэл тоонтодоо элүүр мэндэ бусажа эхэ эсэгэеэ баярлуулаа hэн. Дайнhаа ерэhээр лэ колхозой ажалда хүдэлжэ эхилhэн. Тоогүй олон жэлдэ жолоошоноор түрэл колхоздоо хүдэлѳѳд, hүүлдэнь сельпогой наймаанай машинада жолоошоноор ажаллаа. Нютагайнгаа зулгыхан шарайтай ажалша бэрхэ Очиржаб басагатай айл боложо зургаан үхибүүдые үргэжэ табиhан.
 
Хани нүхэртэеэ үрэ хүүгэдээ хүлынь дүрѳѳдэ гарынь ганзагада хүргэжэ, жаргалтай ажаhуужа байhанаа таабайм үбшэндэ дайрагдажа 1974 ондо наhа бараhан. Би таабайгаа хараашьегүй hаа тѳѳбии эжы хоёройнгоо хѳѳрэхэдэ ѳѳрѳѳ уулзаhан шэнги сэдьхэлни хүдэлдэг.
 
Таабайм нэрэ мини зүрхэн соо хододоо мүнхэл.
 
Лубсанова Сэндэма, ученица 5 класса

Руководитель: Жигжитова Долгорма Должитовна, учитель