Буряад Уласта тээ мэндэ хоёр һарын туршада аяншалгын шэглэлээр ажал эрхилжэ эхилһэн болон  ажал эрхилхэеэ түсэблэһэн олзын хэрэг эрхилэгшэдэй һуралсал “Мой бизнес” гэһэн түбэй дэргэдэ үнгэрөө. Наставник-экспертнуудтай  һуралсал гаража, хабаадагшад өөрынгөө саашадаа эрхилхэ ажалай түсэлнүүдые хараада табиба. Тэдэ хабаадагшад манай Буряад орондо аяншалга хүгжөөлгын ехэ һонин-һонин түсэлнүүдые дурадхаба. Тэдэнэй дунда Баргажан аймагай Хилгана нютагай Надежда Бадмаева.

Үмсын хэрэг нютагтаа эрхилэгшэ Надежда Бадмаева “Наш этно-туркомплекс Тоонто” гэһэн түлэб хамгаалба.

- Манай энэ түб аяншалагшадта болон айлшадта шэнэ эрдэм мэдэсэ олгуулдаг, гайхамшаг газарнуудые үзэхэ болон буряадай заншалта эдеэнэй зүйлнүүдые амсаха болон өөһэдөөшье эдеэ шанажа һураха. Мүн хониной нооһоор нэхэхэ болон өөрынгөө гараар дурасхаалай сувенирнуудые бэлдэхэ аргатай, бусад хүршэ үмсын хэрэг эрхилэгшэдһээ бидэ юугээрээ ондоо онсо биибди гэхэдэ, манай түбтэ һэеы гэртэ байрлаха болон урдын урдахи угсаатан –нүүдэлшэ угайнгаа ажаһуудал руу шунган орохо аргатай, - гэжэ Надежда Бадмаева хөөрэбэ.

Гэр бүлөөрөө амархаяа ерэһэн зонууд эндэ үхибүүдыень һамааруулха, элдэб наада, хэшээлнүүдые дуралхахадань, ехэ һайшаадаг. Тэдэнэр 10 наһатайһаа дээшэ үхибүүдтэй ажал хэдэг. Хүбүүд мориной дэлһээр ташуур, аргамжа, мориной тоног бэлдэжэ, гүрэжэ һурадаг. Холоһоо ерэһэн айлшад буряадай заншалта эдеэнэй дээжэ болохо бууза шанажа һурадаг.

Янжима бурханда ерэжэ мүргэхын хажуугаар аяншалагшадта баһал элдэб һонирхолтой ушар гаршагуудтай түсэб дурадхагдана. Жэшээнь, һүнэй һайндэр, сурхарбаан, хүдөө һуурингай үдэр гээд. Эдэ хэмжээнүүдэй шугамаар Надежда Бадмаевагай  эмхи  ехэ оролдостойгоор бэлдэдэг.

Аксерационно һуралсалда  ерэхэдэ тэрэ зорилгото бүлэгүүд тухай ойлгосогүй байгаа. Ажаябуулгын мүнгэн зөөриин гарша оршо тухай тоосоо хүсэд хэдэггүй, үмсынгөө дэбисхэр дээрэ бүхы газарнуудаа олзо оршотойгоор хэрэглэгдэдэггүй байгаа.

- Мүнөө һуралсалай һүүлээр Зорилгото бүлэгүүдые шэнжэлжэ, хэниие, ямар зониие аяншалагша айлшадаар угтан абаха аргатайбииб гэжэ ойлгооб. Оршоёо тооложо, үдэр бүриин болон гэнтэ гараһан гаршануудые тооложо һурааб. Аяншалагшадые яажа ямар юумээр һонирхуулхаб гэжэ куратортаяа шэнжэлэн тодоруулаабди. Юун ондоо болооб?  Ушарта гаршагта хэмжээнүүдые бэлдэжэ, олзо оршын нэмэлтэ газарнууд бии болоо. Соносхол, мэдээсэлнүүдые эндэ тэндэ нэбтэрүүлжэ, олон аяншалагшадые уриха арга бии болгогдоо, - гэжэ Надежда Бадмаева мэдүүлбэ.

Һарын, квартал, хахад жэлэй болон жэлэй гээд саашанхи ажалайнь түсэбүүд зохёогдоо. Мүнөө  һэеы гэрнүүдые олошоруулха газар дэбисхэр  түхеэржэ эхилээ. Хэрэгтэй түхеэрэлгэнүүдые, зэр зэмсэг болон хэрэгсэлнүүдые бариха, бүтээхэ, худалдажа абаха түсэбүүд бии болонхой. Элдэб һонин гаршагта хэмжээнүүдые айлшадтаа дурадхаха болон нютагайнгаа уран гартан, дархашуул, оёдолшодтой хэлсээнүүдые баталжа, дүршэлэй хэшээлнүүдые ябуулха болоно.

 Энэ һуралсал “Мой бизнес” гэһэн түбэй үүсхэлөөр үнгэргэгдэбэ.