Буряад ороноймнай хүдөөгэй хоёр һуурингууд өөһэдынгөө түлэбүүдые бэелүүлгэдэ 20 сая түхэригүүдтэ хүртэбэ. Эдэ хадаа Ахын аймагай Бүрэн голой һуурин болон Мухар-Шэбэрэй Шаралдай тосхонойхид болоно. 2024 оной “Эрхим нютагай засагай дүршэлнүүд” гэһэн харалганай дүнгүүд тухай Орос гүрэнэй Засагай газарай Түрүүлэгшэ Михаил Мишустин зүблөөн дээрээ мэдээсэбэ.

- Нютагай засагай захиргаанай ажалшад эрхэтэдэй ажаһуудалда амин шухала асуудалнуудые амжалтатайгаар болон ашаг үрэтэйгээр шиидхэжэ шадаа. Нэн түрүүн эндэ ниитын оршон байдалай газар дэбисхэрнүүдые болбосорон түхэлтэй болголго,тоогой үндэр оньһожуулгануудай ашаар хотын ажахы шэнэдхэлгэ, мүн тиихэдэ, эгээл шухаг түрүү зорилгонуудые тодоруулгаар гээд, эдэ бүгэдэ хэрэгүүдтэ бюджедэй мүнгэн зөөри шэглүүлхээр бшуу. Нютагай засагай зургаануудта суг ажалтанайнгаа дүй дүршэлдэ анхаралтайгаар хандажа, өөрынгөө ажалда тэдэнэй үүсхэлнүүдые хэрэглэхэнь шухала,  юундэб гэхэдэ иимэ ажалай – энэнь хадаа түрэл нютагтаа эрхэтэдэй аюулгүй, аятай болголго ха юм, - гэжэ засагай газарай түрүүлэгшэ Михаил Мишустин тэмдэглэбэ. 

Буряад ороной Ахын аймагай Бүрэн голой хүдөөгэй һуурин “Нютагай засагай байгууламжануудтай ажаһуугшадай харилсаанай ашаг үрэтэй холбоо хангалга, газар дэбисхэрэй ниитэ өөһэдын хүтэлбэриин хүгжэлтэ болон нютагай өөһэдын хүтэлбэриин бусад түхэлнүүдээр бэелүүлгэдэ эрхэтэдые хабаадуулга” гэһэн шэглэлээр илаа. Харин уласаймнай Мухар-Шэбэрэй аймагай Шаралдайн хүдөөгэй һуурин “Яһатан хоорондын эб найрамдал болон эб нэгэдэл бэхижүүлгэ, нютагай засагай шатада үндэһэтэдэй бодолгын шэглэлдэ бусад хэмжээнүүдые бэелүүлгэ” гэһэн шэглэлээр шалгараа. 

Орос гүрэнэй 31 можонуудһаа 50 нютагай захиргаанууд илагшад болоо. 8-дахияа үнгэргэгдэжэ байһан тус харалган 2024 ондо уласай холбооной шатада нютагай һуурингууд 1280 мэдүүлгэнүүдые тушааһан байна.

Тиигэжэ энэ харалганай холбоото уласай шатада гүрэнэй бюджетһээ илагшадта саашанхи хүгжэлтэдэнь 20 сая түхэригэй хэмжээнэй мүнгэн шангууд барюулагдаха.

“Эрхим нютагай засагай дүршэлнүүд” гэһэн харалган 2017 онһоо эхилээд жэл бүри эмхидхэгдэдэг. Мүнөө жэлэй энэ харалганда Буряад Уласһаа табан шэглэлээр эгээл эрхим 20 түлэбүүд эльгээгдэһэн байгаа бшуу. Эдэ мэдүүлгэнүүдые бэлдэхэ хэрэгтэ Буряадай Гүрэнэй ехэ һургуулиин эдэй засагай болон хуулита эрхын Дээдэ һургуулиин багшанарай хабаадалгатай тусгаар түсэлэй бүлэг байгуулагдан ажаллаа.