Һүүлэй жэлнүүдтэ элүүрые хамгаалга нилээн хэсүү байдалда оронхой гэжэ мэдэнэбди. Эмнэлгын үндэр оньһото туһаламжын оршон үеын хэрэгсэл, түхеэрэлгэнүүдые гүрэн засаг үнэ сэнтэйгээр худалдажа абабашье, тэрээн дээрэ ажаллаха мэргэжэлтэдшье дуталдана.  Мэргэжэлтэ эмшэд түб хотонууд руу гү, али Хойто зүг руу ехэ салинтай газар руу ажаллахаяа ябашана. Мүнөө  элдэб шэглэлэй, хоморой гэхээр эмшэдһээ байха, юрэ терапевт врачта орохонь, хэсүү болонхой.  Талонгүйгөөр орохын аргагүй. Тэрэ талонииншье абахань хэлсээтэй. Энээниие өөр дээрээ хүн бүхэн үзөөл ёһотой. Эм дом худалдажа абахада, баһал өөрын муутай даа. Ехэ үнэ сэнтэйшье һаа, зарим ушарта арга хэхэгүй, хуурмагшье эмэй зүйлнүүд дайралдаха. Эдэ бүгэдые бэшэхэдээ, манай гүрэнэй элүүрые сахилгын һалбариие муушална бэшэб. Юрэ энэ бэрхэшээлтэ асуудал ганса манай гүрэн дотор бэшэ, хаа –хаанагүй, хари гүрэнөөршье ушардаг бшуу. Харин мүнөө ондоо хөөрэлдөөн.

Гэнтэ үбдэһэн хүбүүгөө аргалха, абарха, эмшэлхэ гээд хэдэн олон һэдэлгэ хэһэн би, яаха хээхэеэшье ойлгожо ядаад байтарни, намайе нэгэ уулзалгада нүхэдни уряа. Монгол оронһоо ерэһэн бүлэг зон М-интернэшнл гэһэн компани тухай хөөрэжэ, танилсуулжа, эдеэнэй зүйлнүүдые амталуулба. Эдеэнэй зүйл гэжэ хэлэхэдээ, алдуу хэнэгүйб. Үнэхөөрөөл тиимэ.

Монгол айлшадай хөөрэһэн юумэ шагнажа, харуулһан жэшээнүүдтэнь үнэншэхөөр. Юундэб гэхэдэ, элдэб сүлжээ холбооной компанинуудые шагнахадашни, хаанаб даа Америкэдэ, Европада нэгэ хүн энээниие уугаад, иигэжэ эдэгээ гэжэ мэдэхэдээ, балайшье үнэншэхэгүйш. Харин энээхэн дүтэ байһан монгол хүбүүн Малайзида байгуулагдаһан эмхиие түрэһэн Монгол руугаа нэбтэрүүлжэ, хэдэн олон зоной бэе махабадай энхэ элүүртэнь аша туһа үзүүлжэ байхадань, гайхамшаг байгаа бэлэй.

Монгол найзнар бидэниие Монгол орон руу урихадань, бидэ гурбан нүхэд тэдээнтэеэ дахалдаад ошобобди. Монголдо энэл компаниин Их хуралдаан үнгэржэ, энэ шэглэлээр ажал ябуулжа, амжалта туйлаһан нүхэдөө тэмдэглэжэ, үнэтэ шулуунуудай нэрэмжэтэ медальнуудые зүүлгэбэ. Үглөөдэрынь эмшэн Алимаа тодорхойгоор энэ компаниин эдеэнэй зүйлнүүдэй аша туһа тухай хөөрэжэ үгэбэ.  Удаань энэ компани ерэжэ,  бэе махабадаа һайжаруулһан зонууд дүршэлтэеэ хубаалдаба. Одоо энэл гайхамшаг юумэ дуулааб даа.

Тайзан дээрэ нэгэ 50 гаран наһатай гэмээр нэгэ хүн гараад, өөртэеэ танилсуулба: “Би хадаа хүдөөгэй малшан гээшэб!  Би 69 наһатайб. Бүхэли наһаараа  хара ажалда ябажа, бэеэшье хүсэд аргалха сүлөөгүй ябааб, мүнөө энэ компанида ороод, харана гүт, иимэ хүл хүнгэн, нюрга һээрээшье үбдэхэеэ болинхой ябанаб. Бүхы эдеэнэй зүйлнүүдыень уужа, гэр бүлынхидээшье элүүржүүлжэ эхилээб да даа. Үшөө нэгэ гол юумэн гэхэдэ, нүхэрэйнгөө үгэ дуулаад, энэ компани руу ороод байхадаа, суглаа уулзалгануудта ерэхэдээ, эгээл саана холохон һуугаад, хайшан гэжэ энээ руу оруулһан мүнгэеэ бусааха гээшэбииб, гэжэ һанаа үнөөн боложо байдаг бэлэйб. Харин мүнөө түрүүшүүлэй тоодо ябанаб. Эндэ ерээд, улам өөдөө боложо, үмсын ажахы дээрээ үшөө гурбан ажахытай боложо, малаа олон болгооб”.

Үшөө нэгэ эхэнэрэй хэлэһэн үгэнүүд намайе үшөө ехээр гайхуулаа: “ Би энэкомпаниин зүйлнүүдые уужа эхилһээр, хилар нюдэтэй байгааб. Мүнөө намайе харыт даа”, -гээд сэб сэхэ нюдөөрөө сугларагшад руу харан хэлэбэ.

Алимаа эмшэнтэй танилсажа, ехэ удаан хөөрэлдөөб. Хүбүүнэйнгээ  болон өөрынгөө үбшэн тухай хэлэжэ, ямар юумэ уубал, һайн гээшэб гэжэ туһатай зүбшэлнүүдые абабаб. Алимаа эмшэн иигэжэ хэлэбэ: “ Би өөрөө заншалта эмнэлгын эмшэн гээшэ бэзэб даа. Тиигээд энэ эхэнэрэй хилар байтараа, сэхээр харадаг болошоходонь, одоол үнэншэжэ, наашаа ерээлби даа!” .

( Үргэлжэл баймга гараха)