Зэдын аймагай Сагаатын һургуулида үнгэргэгдэһэн "Абын табан эрдэм" гэһэн Улас түрын мүрысөөнэй Гран-прида буряадай үндэһэн №1 лицей-интернадай  бүлэг хүртэбэ. 

Түрүүшын һуурида – Н. С. Сосоровай нэрэмжэтэ Сагаатын дунда һургуулиин бүлэг, хоёрдохидо – Захааминай аймагай Сахирай уран-һайханай шэглэлэй интернат һургуули гаран шалгараа. Хүрэл шанда Зэдын аймагай Петропавловскын аймагай гинмазиин түлөөлэгшэд хүртэбэ.
Энэ удаа, табадахияа үнгэргэгдэһэн мүрысөөндэ Захааминай, Зэдын аймагуудай болон Улаан-Үдэ хотын 5-11 ангиин һурагшадай 13 бүлэгүүд хабаадаа. Бүлэг бүхэн 5 хүбүүд болон эдиршүүлһээ бүридхэгдөө. 
Тэдэнэр 5 шэглэлээр: "Эсэгын уужам ухаан" (тестировани), «Эсэгын хатуу зориг» ( шүлэг сээжээр уран уншалга), "Эсэгын бата журам"( оньһон  болон жороо үгэнүүд)», "Эсэгэ – гэрэй түшэг, тулгуури"( дуу гүйсэдхэлгэ), "Эсэгын hургаал – алтан"(видеобуулгабари-хөөрөөн). 
Шэглэл бүхэнэй даабари, дуун, шүлэг гү, али оньһон болон жороо үгэнүүд булта эрэ хүндэ – эсэгэдэ, ахайда, аха нүхэртэ гээд зорюулагдаа. 
 Мүрысөөндэ хабаадагшадта бултандань хабаадагшын үнэмшэлгэ, илагшын баталамжа болон мүнгэн шангууд барюулагдаа