Мүнөөдэр Арадай Хуралай бага танхим соо Арадай Хуралай түрүүлэгшын уялга саг зуура бэелүүлэгшэ Баир Гармаев саха яhатанай хапсагай гэhэн үндэһэн барилдаагаар уласхоорондын түрүүшын чемпионадта илагшадые хүндэтэ ёһоор тэмдэглэбэ.

Уласхоорондын мүрысөөнүүд августын 24-26-ай үдэрнүүдтэ Кыргызстанай ниислэл хотодо болоо гээд, hануулая. Мүрысөөндэ 34 гүрэнүүдhээ 160 тамиршад суглараа. 75 кг хэмжүүр хүрэтэр  бүлэгтэ Захааминай Сандан Гармаев саха яhатанай Тимур Николаевтай барилдажа,  абарга болоо.Энэ тэмсэлэй дамжуулга сэхэ утаһаар Буряадай зон хараа ёhотой. Холбоото уласай суглуулагдамал командада манай Буряад оронhоо 4 тамиршад хабаадаа:  Сангади Ульзетуев (75 кг хүрэтэр), Аюр Нимаев ( 95 кг-hаа дээшэ). Тамиршад түбшэн даруухан маягаар саха арадай үндэһэтэнэй Хапсагай наадан тухай тайлбарилжа үгэбэ. Сандан Гармаев  Киргиз болон Ород гүрэнүүдэй hүлдэ тэмдэгүүдэй алтан дүрсэнүүдтэй абаргын бүһэ   саха яhатанай уран гартанай 0,5 карат бриллиант шэмэгтэй бэлэг шагналаа харуулба.

- Саха арадай тамиршад илаха гэжэ hанаабди, харин манай буряад абарганууд диилээ. Энэнь хадаа манай Буряад Уласай удха түгэлдэр тэмдэг болоно. Манай тамиршад шадабари бэеэ шалгаха талмайнуудые оложо, элдэб туг  доро мүрысөөнүүдтэ хабаадана. Энэ  илалта манай Буряад орондо иимэ тамирай  янза өөдэнь үргэбэ  ха юм, тиимэһээ манай hунгамалнууд энэ ушар ехэтэ дэмжэбэ. Жэшээнь, hунгамал Геннадий Доржиев  тамирай нэгэ хаhада 30 мянганай нэрэтэ шан байгуулба, - гэжэ амаршалгын элидхэлдээ Арадай Хуралай түрүүлэгшын уялга саг зуура бэелүүлэгшэ Баир Гармаев мэдээсэбэ.