«Ойхоной олзо» гэһэн эхирид угайхидай заншалта соёлой можо хоорондын IV фестиваль үнгэрһэн амаралтын үдэр эмхидхэгдээ. Энэ ушаралта хэмжээ ябуулгада  Буряад ороной Баргажанай, Хурамхаанай,  Ивалгын аймагуудһаа, Эрхүү можын Эхирид-Булагадай, Баяндай болон Ойхоной аймагһаа хэдэн зуугаад айлшад болон хабаадагшад суглараа.

Фестиваль  оршон тойронхи газарай эзэдые хүндэлэлгын үйлэһээ эхилээ. Энэ хэрэг Эрхүү можын Бөө мүргэлэй ниигэмэй  бөөнэр болон эхирид угай аха захатан бүтээгээ.

Баяр ёһололой нээлгэн  уг омогуудай һүзэглэн шүтэдэг амитадай дүрсэнүүдээр гоёогдоһон урай тугуудые намилзуулһан хабаадагшадай жагсаалаар эхилээ. Хабаадагшадые Ойхон аймагай захиргаанай, Эрхүү можын хуули баталалгын суглуунай болон «Эхиридүүдэй нэгэдэл» гэһэн ниитэ хүдэлөөнэй түлөөлэгшэд баяр баясхаланай үгэнүүдые мэдүүлбэ. Хэмжээ ябуулга  угаа баян түсэбтэй байгаа. Арадай уран һайханай бүлгэмүүд зүжэглэмэл үйлэнүүдые харуулаа. Арадай аман зохёолой эгээл эрхим һүлдэ баялиг болохо зохёолнууд, дуу, хатар гүйсэдхэгдээ. Эндэ бүлгэм бүхэн дундаршагүй баян һүлдэ заншалай үйлэнүүдые харуулжа, хүн зониие баясуулба. Буряад арадай заншалта хүгжэмэй зэмсэгүүдээр амиды хүгжэмэй зэдэлээн тус хэмжээнэй гол шэмэг боложо үгөө.
«Минии уг гарбал» гэһэн харалганда хабаадагшад түүхэтэ эрдэм мэдэсэ болон өөһэдынгээ урдын үбгэ угсаатанай соёлой баялиг алдаагүй сахижа ябаһанаа гэршэлээ. Буряад арадай заншалта эдеэнэй харалган бүлын урдан сагһаа дамжуулагдаһан  аргаар шанагдаһан амтан эдеэнүүд элбэгээр дэлгэгдээ. Мүн буряадай заншалта  һэеы гэрэй  мүрысөөн һайндэрэй гол хэмжээнүүдэй һуури эзэлээ.

Гэхэ зуура, фестивалиин гол хэмжээн хадаа стал круглый стол на тему «Байгалай можын эхиридүүдэй түүхэтэ суг харилсаан болон заншалта соёлой һүлдэ баялиг хамгаалга» гэһэн гаршаагаар дүхэриг шэрээ үнгэрөө. Тэрэнэй дүнгөөр  шиидхэбэри тогтоол абтагдажа, элидхэлнүүдэй суогсолбори хэблэгдэхэ юм.

- Эгээл түрүүшын эхиридүүдэй угай фестиваль  2017 ондо  Кабанскын аймагта үнгэрһэн юм. Хоёрдохинь Баргажанай аймагта, гурбадахинь- Эрхүү можын аймагай Баяндайн аймагта 2021 ондо эмхидхэгдэһэн юм. Мүнөөдэрэй фестиваль дулаахан эбтэй харилсаанай оршон байдалда үнгэрбэ, - гэжэ Байгал шадарай үндэһэн арадуудай соёлой түбэй мэргэжэлтэн Серафима Балданова мэдээсэбэ.

Удаадахи V -дахи «Ойхоной олзо» гэһэн эхирид угайхидай заншалта соёлой можо хоорондын фестиваль хоёр жэл болоод Эхирид-Булагадай аймагта эмхидхэгдэхээр хараалагдана.