Тус  зүжэг Халхын Голой шадар 1939 ондо совет-монгол сэрэгшэдэй болон японой булимтарагшадай хоорондо болоhон байлдаанай 85 жэлэй ойдо зорюулагдана. Тус «Халхин Гол. Тангариг» зүжэг Г. Башкуев баримтата дансанууд дээрэ үндэһэлжэ бэшэһэн байна. Энэ зүжэг тайзан дээрэ Буряад драмын театрай худрук, режиссер О. Юмов найруулан табиба.

Манай абьяас бэлигтэй залуу зүжэгшэд энэ зүжэгтэ амжалтатайгаар наадажа, харагшадай зүрхэ сэдьхэл хүлгөөбэ. Буряад драмын теартрай артистнуудhаа гадна Ород драмын театрай, Монголой театрай зүжэгшэд хабаадаа. Зүжэг монгол хэлэн дээрэ табигдаhан байна.

Харагшадай һанамжаар, ехэ зохид, hонирхолтой зүжэг болоо гэжэ тэмдэглэхэ шухала. Илангаяа монгол хэлэн дээрэ шагнахада, шэхэндэ хужар, гое байна. Хоёр үйлэhөө зүжэг бүридэнэ. Энэ зохёолой үндэhэн болоhон баримтата түүхэ юун тухайб гэхэдэ, Халхын Голой дайнай үедэ Дорнод аймагай арба гаран залуухан басагад дайнда өөрынгөө дураар ошожо, военно госпитальда ажаллаhан юм. Тэдэнэй нэгэниинь Чэмэдсэрэн абгай мүнөө дээрэ Монголдоо хүндэтэй наhатан, зуу наhа хүрэжэ ябана. Энэ Чэмэдсэрэн абгайн намтарта хандажа, Геннадий Башкуев пьесэ бэшэhэн байна.

Театрай фойе соо Халхын Голой байлдаан тухай hонирхолтой материалнуудай үзэсхэлэн нээгдэнхэй. Август hарада Монгол ошожо энэ зүжэгөө Буряадай театр  харуулха түсэбтэй.