Һүүлэй үедэ Буряад орондо һэеы гэр бүтээлгэ уласхоорондын хэмжээндэ олзотой хэрэг боложо магадгүй. Хэр угһаа монгол буряад угсаатанай  сахижа, бүтээжэ, ажабайдалдаа хэрэглэжэ байһан Һэеы гэр бүхы дэлхэйгээр сууда орожо, хэрэглэгдэдэг болонхой. Монгол Улас 2024 онло 2008 һэеы гэр хари гүрэн руу худалдан наймаална. Гэхэ зуура, монголой һэеы гэр зүүн зүгэй арадууд бэшэ, европын гүрэнүүдтэ ажаһуугшад угаа ехээр һонирходог болонхой хаш.

 Тоо бүридхэлэй Үндэһэтэдэй хүтэлбэриин мэдээсэлээр, 2024 оной дүрбэн һарын хугасаада Монгол орон 2088 һэеы гэрнүүдые хари гүрэн руу наймаалаа, энэ тоо баримта хадаа нёдондо жэлтэй жэшээлбэл, аяар 1607-гоор гэхэ али 4,3 дахин ехэ болоһон байна. Байгша оной эхинһээ ганса Португали гүрэн рөө 1888 һэеы гэр эльгээгдэһэн байха юм.  

 Буряад Уласта энэ олзын хэрэг эрхилэлгэ һаял хүгжөөгдэжэ эхилэнхэй. Жэшээнь,  мэдээжэ сурбалжалагша, “Буряад Үнэн” сониной ахамад редаетораар ажалладаг байһан Бадмажаб Гындынцыренов буряад һэеы гэрнүүдые бүтээгшэ уран дархан болонхой.

Хүдөө нютагта үндыһэн Бадмажаб балшар багаһаа буряад һэеы гэрнүүдые бүтээхэ гэжэ һанамжалдаг байгаа. Мэргэжэлээрээ ажал хэжэ байхадаа, эгээл дуратай хэрэгтээ сүлөө сагаа һаатуулжа, бага сага һэеы гэрнүүдые бүтээжэл байгаа. Орос гүрэндэ буряад арадай дары суглуулагдадаг заншалта  һэеы гэрээр һонирхол  бии боложо, хүгжэжэ эхилхэдэнь, ажалаа орхёод, эгээл дуратай  юумэн-хоббидаа бүхы сагаа зорюулдаг болоо.

 - Һэеы гэрээр һонирхолго ургажал байна. Ганса манай Буряад орондо бэшэ, мүн Орос гүрэнэй бусад хотонуудһаа захил хэдэг болонхой. Юун гэхэб даа, хэжэ байһан ажалдаа бүхы сэдьхэлээрээ дурланги байха хэрэгтэй, тиигэбэл ажал урагшатай ябаха, Тиигэжэ олон гэрнүүдые бүтээхэдээ, ажалайнгаа үйлэдбэри һайжаруулгын дүршэл хүгжэдэг юм, - гэжэ Бадмажаб Валерьевич тэмдэглээ.