Байгша 2024 ондо Буряад Улас дотор һүнэй үйлэдбэри дэмжэлгэдэ 8,1 сая түхэриг шэглүүлэгдэнхэй. Буйлуулалгада худалдагдаһан литр һүнэй түлөө гүрэн 10 түхэриг мүнгэн тэдхэмжын түхэлөөр нэмэдэг. Энэ түлбэриин дансанууд тоосоото хаһын удаадахи һара бүри гү, али квартал бүхэнэй һарын 25-най үдэрһөө хойно бэшэ тушаагдаха ёһотой.

- Урзанда жэлэй мэдээгээр жэшээлбэл, недондо жэлэй дүнгөөр һаамал үнеэнэй тоо болон һүнэй үйлэдбэри доошолуулангүй байбал, һүнэй үйлэдбэри дэмжэгдэнэ. Хэрбэеэ һүнэй зүйлэй ашаг үрэ 5000 кг-һаа дээшэ байбал, дэмжэлтын зэргэ дээшэлэгдэжэ, литр һүнэй түлөө 12 түхэриг үгтэхэ болоно, - гэжэ Буряадай малай ажахын таһагта тэмдэглэбэ.

Энэ хүдөө ажахын яаманай шугамаар уласай аймаг бүхэндэ һүнэй үүлтэрэй үнеэдые тэжээбэридэ тусгаар үгтэдэг мүнгэн дэмжэлтэнүүд олгуулагдадаг.  Энэ мүнгэн тэдхэмжын хэмжүүр һаалиһаа дулдыдана. Хэрбэеэ дунда жиирэй нэгэ үнеэн ажахыдаа 2-3 мянган кг һү үгэбэл,  үнеэн бүхэнэй түлөө 2500 түхэриг жэл соо үгтэхэ ёһотой. 3 мянган кг-һаа дээшэ һаагдабал, 3000 түхэриг хүрэтэр сэн бодохо. Гэхэ зуура, һаагдаһан һүнэй тэгшэ хахадынь үйлэдбэридэ ошохо, энэ хадаа гол эрилтэ болоно, тоосоондо энээниие гэршэлһэн дансанууд хабсарагдаха ёһотой. Хэрбэеэ ажахынууд малаа хэмэл аргаар үрэжүүлхэ хэбэлынь, түлбэри 20 хубяар дээшэлхэ юм.

Буряад орон дотор бүхы эрилтэнүүдые дүүргэдэг олон ажахынууд Хүдөө ажахын болон эдеэ хоолой Яаманһаа абтаһан мүнгэн дэмжэлтэнь жэл соо 100 мянгаһаа хэдэн сая түхэриг болотор бүридхэгдэнэ, энэнь хадаа буйлуулгада тушаагдаһан һүнэй хэмжээнһээ дулдыдана гэжэ онсолое.

- Аймагуудай ажахынууд һүнэй үүлтэрэй мал үсхэбэрилхэдээ, жэл соо 50-һаа 500 мянган түхэриг тусгаар һомололгодоһон мүнгэн тэдхэмжэдэ хүртэнэ. Энэнь хадаа  түүхэй һү үдэр бүри худалдаһанһаа ороһон олзоһоо гадуур болоно, - гэжэ малай ажахын таһагай дарга Андрей Попов мэдээсэнэ.

Мүн тиихэдэ, гүрэн хүдөө ажахынарта үүлтэртэ мал болон хэмэл аргаар үрэжүүлгэдэ зүйлнүүдые худалдан абалгада гарашануудые хүсэлдүүлдэг. Энэ бүгэдэ гүрэнэй  дэмжэлтэнүүд бултадаа һүнэй үйлэдбэри хүгжөөлгэдэ шэглүүлэгдэнэ.Тиигэжэл энэ үйлэ «Бага ба дунда олзын хэрэг эрхилэлгэ болон олзын хэрэг эрхилэлгын үүсхэлнүүдые дэмжэлтэ» гэһэн үндэһэн түсэлэй зорилгонуудай болон зорилтонуудай шугамаар зохилдуулагдана.