«Тоонто тайха» гэһэн ёһо заншал һэргээгдэнэ Буряадай мэдээжэ ниитэ ажаябуулагша, Яруунын аймагай Эгэтын Адаг гэһэн нютагай Эрдэни Дымчиков Маарагта һууринда Нимбу Боршогор гэһэн газарта Тоонто тайха гэһэн үйлэ үнгэргэбэ. Тоонто тайха гү, али нюуха, булаха гэһэн заншал урдын манай дээдэ угсаатан үнгэргэдэг байгаа. Энэ үйлэ тухай буряадай мэдээжэ сурбалжалагша Тимофей Нимбуев иигэжэ бэшэһэн байна: «Тоонто тайлга хадаа алтан дэлхэйн үнгэ харатараа үхибүүнэй байһан гэрые – хойтые хүндэлэн үдэшэһэн ёһолол болоно. Хоёрдохёор, хамагые арюудхагша галай хүсөөр эхэнэртэ хабаатай бузарые арилгаһан удхатай. Гурбадахяар, түрөөдүй эхэнэрнүүдэй үнэр олон болохын тула үхибүү эриһэн даллалга болоно.