ХАМТЫН АЖАХЫН ХҮГЖЭЛТЫН ТҮҮХЭҺЭЭ

Гушаад онhоо Захааминда хамтын ажахынууд бии боложо эхилэй hэн. Үлэнтэдэ 1931 оной январиин 1-hээДабаинай нэрэмжэтэ колхоз бии болоод, хожомынь Ленинэй нэрэмжэтэ нэрэтэй болоо. Колхозой түрүүлэгшээр Далахай Доржо гэжэ хүн томилогдоhон байна. Хожомынь Ринчинов Эрдэни, Дармаев Рэгзэн Шагдурович, Дылгиров Банзан Тулгутович хүдэлhэн байна. Тоо бүридхэгшээр Доржиев Цыбик Будаевич, Дулмаев Цырен Дулмаевич, Дамбаев Петр Будаевич ажаллаhан байна.

1950 оной эхеэр Үлэнтын, Хуурай Сахирай, Зэмхын, Модон Хүлэй колхозууд нэгэдэжэ, Зэмхэдэ түбтэй Ждановай нэрэмжэтэ колхоз байгуулагдаа.

Тэрэ үедэ колхозууд адуу малаар олон, багахан хэhэг газарнуудые шар, морёор элдүүрилжэ, таряа ургуулжа, болохоор лэ ургаса абадаг hэн. Тэрээнhээ гадна огород таридаг, модо бэлдэдэг, харгын ажалда ба Зэдын комбинаадай байгуулгада хабаададаг байhан юм.

Эсэгэ ороноо хамгаалгын Агууехэ дайнай hүүлдэ хүдөө ажахые хүгжөөхэ гэhэн партиин программаар шадамар бэрхэ хүтэлбэрилэгшэдые – «30 мянгатадые» хүдөө рүү эльгээhэн юм.

Тиигэжэ Зэмхын Ждановай нэрэмжэтэ колхозой түрүүлэгшээр «30 мянгата» Маланов Никифор Андреевич ерэбэ. Энэ хүнэй үүсхэлээр колхозой түбые hайн, тэгшэ, уужам газарта бии болгожо, аминдаа байhан тосхонуудые нэгэ доро hуурижуулха, томодхохо зорилго табигдаба.  Энэмнай баhал тэрэ сагай сууряан гээшэ. Дүтэлүүрэй газар шэлэгдэжэ, түб болобо.  Энэмнэй 1956 он hэн.

Энэл жэлдэ Үлэнтэhөөн гаража, Доржиев Цыбик Будаевич, Дармаев Рыгзен Шагдурович, Базаров Радна Цыбикович, Базаров Цырен Цыбикович, Базарова Жаргал Цыбиковна ба Базаров Буда Цыбикович, Бадархаев Искра Цыренович, Бадархаев Буда Цыренович, Цыбиков Очир, Чимитов Гарма Аюшеевич, Ринчинов Доржо Эрдынеевич, Бадмаев Дмитрий Эрдынеевич, Дамдинов Доржо, Хайдапов Иван Цыбикович, Хайдапова Будлан Цыбиковна, Тогошеев Николай, Цыденов Жамбал, Цыденов Лубсанима, Доржиев Андрей, Доржиева Валентина Цыденешеевна г.м. хүнүүдэй гэр бүлэнэр Дүтэлүүр нютагта түбхинэhэн юм.

Үлэнтын отделениин ударидагшаар Аюшеев Владимир Дулмаевич, Бадмаев Дмитрий Эрдынеевич, Базаров Цырен Цыбикович, Дашиев Иван Хандуевич, Ринчинов Дашанима Борисович, Базаров Павел Николаевич, Ринчинова Зинаида Будаевна, Доржиев Цыбик Будаевич, Доржиев Вячеслав Цыбикович хүдэлhэн байна.

90-ээд ондо Дүүтэлүүрэй совхозой орондо хүдөө ажахынууд бии болгогдоо. Тиигэжэ Үлэнтын хүдөө ажахын гулваагаар Доржиев Вячеслав Цыбикович, hомоной түрүүлэгшээр Хайдапова Вера Цыреновна томилогдоо hэн.

Хүдөө ажахын ажахын специалистаар Базаров Бальжан Цыбикович, Ринчинов Дашанима Борисович, Ринчинова Зинаида Будаевна, Дашиев Эдуард Иванович, Цыбикова Зоя Цыбиковна, Базарова Нина Раднаевна, Раднаева Ринчин-Ханда Цыбжитовна хүдэлhэн байна.

Трактористаар Цыбиков Очир, Эрдынеева Ольга, Хайдапова Будлан Цыбиковна, Данзанов Петр, Базаров Геннадий Базарович, Дашиев Борис, Дампилов Сергей Данзанович, Ринчинов Владимир Аюрович, Бадмаев Михаил Очирович хүдэлhэн байна.

Жолоошоноор Бадархаев Искра Цыренович, Дашиев Иван Хандуевич, Ринчинов Дашанима Борисович, Цыренов Бато-Мунко Цынгуевич, Бадмаев Алексей, Будаев Олег хүдэлhэн байна.

          Доржиев Сэбэг Будаевич аймаг соогоо мэдээжэ хүн байhан юм. Ахамад бухгалтер, отделениин эрхилэгшэ, парткомой секретарь, профкомой, Сомоной соведэй түрүүлэгшэ гэhэн олон янзын харюусалгата ажалда үнэн сэхээр хүдэлөө. Ямаршье харюусалгатай ажалда хүдэлхэдөө, арад зондоо хүндэтэйгөөр хандадаг, хододоо туhалха гэжэ ябадаг хүн hэн.  Намжил Цыреновна нүхэртэеэ 6 үхибүүдые хүл дээрэнь гаргаа.