Житель села Абагалдаев Лубсан Шагдурович был остроумным, любителем сочинять небылицы человеком. Его рассказы знают многие и с любовью передают друг другу.

Абагалдаев Лубсан Шагдурович.
 
Абагалдаев Лубсан Шагдурович 1930 ондо Захааминай аймагай Хуурай-Сахир нютагта түрэhэн намтартай. Хореоног аймагай угтай хүн. Нютаг нуга соогоо Абагалдайн Мангад ахай гэжэ алдаршаhан.
 
Бүхы наhаараа мал ажал дээрэ хүдэлмэрилжэ ябаа, Хуурай- Сахирай Адаг гэжэ гоё газарта үбэлжэдэг, Мэргэн- Шанаада зуhаландаа гарадаг заншалтай бэлэй.
 
Үнэр баян бүлын эсэгэ. Радна Хубриковна нүхэртэеэ 10 хүүгэдые (7 хүбүүд, 3 басагад) гарыень ганзагада, хүлыень дүрөөдэ хүргэжэ табяа. Олон аша гушанарынь таабай төөбиингөө hургаалаар амар жаргалтай ажаhуунад.
 
Агнууриин хаhа эхилхэдэ ангуушан унтажа хонодоггуй шахуу. Жэгтэйл гоё саг даа, мүнхэ hайхан хүбшэ тайгаяа зубшан гарахаяа одоол хүлеэдэг hэн, Мангад ахай.
 
Нютаг соогоо мэдээжэ, дэндүү хөөрэдэг зантай, ябууд дундаа зохёожо хөөрэгшэ, ажалдаа шударгы, бэеэр набтаршаг, хүл хүнгэн, шуран хүн байhан юм даа.
 
Абагалдаев Л.Ш. хөөрөөнүүдhээОчиров Ч.Э. рассказууд болгон бэшэбэ.

Гуран тухай.

Аза талаантай гээшэмни аргагуй. Булай томо гуран шулуун дээрэ зогсожо байба. Шагаажа, шагаажа буудахадаа, гэшхээд байhан шулууень хэмхэртэрынь оножорхибоб. Гураншье саашаа hүрэжэрхибэ. Харин хоёр, гурба hүрөөд лэ унашаба. Гайхан тагнан хажуудань гүйжэ ошобоб. Тэрэ оноhон шулуунайм хэмхэрхэй гуранай гэдэhэ соо хадхажа алаа бшуу.
 
Загаhад
 
Мэргэн-Шанаае горхо гаталжа ябатарни, моримни гэнтэ хальтираад абаба. Доошоо харан гэhэмни, зэбэ загаhад дээгүүр моримни хальтиржа ябабал.
 
Гайхалтай ушар.
 
Гайхалтай ушар. Юумэеэ мартадаг зантай болошооб. Нэгэтэ томо гүрөөhэ буудажа унагаагаад,үбшэхэ гэхэдээ, хутагам үгы, гэртээ мартаа юм аабзаб даа. Шэнэhэнэй доро уруу дуруу hуунаб, дааражашье эхилбэб. Гал түлихэ гэхэдээ зуруулаа мартааб. Яаха гээшэб?
 
Нюдэндөө хуурай хүбхэ хабшаад, тэрэ шэнэhэеэ аhан шадалаараа мүргэжэрхибэб. Нюдэндэмни гал гаража, нөөхи хүбхэмни носожо, галтай болобоб. Уданшьегуй нэгэ юумэн тос байтар хажуудам унашаба. Нёдондо жэл мартаhан хутагамни унажа ерэбэл. Тиихэдээ
 
 энээхэн шэнэhэнэй hалаа дээр табижа мартаа ха юм биб.
 
Гахай.
 
Түргэн дундаа мори шаргаабарижа уяад,үбэртэ гүйжэ гараад ябатарни, томо гэгшын гахай эдеэлэжэ байба. Буудажа унагааhамни, саанань үшөө нэгэ гахай хүдэлэншьегүй байна. Халаг даа, hомонуудни дууhаа, хутагаа баряад хажуудань гэтэн дүтэлбэб. Харан гэhэмни,тэрэ гахаймни алуулhан гахайнгаа hүүл зуугаад байба. Хөөрхы, түрэхын hохор, шэхэ дүлии амитан байгаа бшуу. Үхэhэн гахайгаа шаргадаа тээгээд гэртээ ерэбэб, дүлии гахаймни hүлынь зууhан зандаа ерэлсээ. Үнэншөөгүй hаа ошоод харыт, мүнөөшье болотор газаамни байдаг, баарhан.
 
Агнууриин хаhа
 
Одоошье үбэлэй саг газаамнай ерэбэ, агнууриин хаhа эхилбэ даа.
 
Наранай hуужа байхада, агнууриингаа газарта хүрэжэ, отогоо абаhааp байтарни, бүрэг-бараг, харанхы боложо захалба. Сайгаа шанаад, хоёр шэл архитай байhанаа сэржэмээ үргөөд, архяа дууhан уужа дулаaсаха тээшээ боложо, унталгаа бэлдэжэ байтарни, дүхүү байhан шэнэhэндэмни тоогүй олон хүдүү сугларжа байха янзатай. Заахан буугаа абажа, хоёр багса hомоо абаад. Маряаhаар ошожо харахадам, hарын сагаанда хэмгүй олон шубууд манхайлдажа харагдаха юм.
 
 Доодо захаhааньэхилээд лэ буудажа захалбаб, нэгэ мэдэхэдээ хоер багса hомомни дууhашаhан байба. Олон хүдүү унаал хаш гэжэ hанабаб. Харанхыда юу харахабши, үглөөгүүр түүжэ абуужаб гээд, отогтоо ошожо бүхэ нойроор унташoo hэм. Үлөөгүүр эртэлэн бодожо, буудаhан хүдүүнүүдээ түүжэ тоолоходом, ерэн юhэн шубуун байба. Зуун hомонhоо оройдоол нэгэ hомо алдаhан байгааб.