Бүхы наhаараа газартай холбоотой хүн тухай мини хѳѳрѳѳн. Энэмнай Буряад Республикын хүдѳѳ ажахын габьяата хүдэлмэрилэгшэ, Россин Федерациин габьята экономист, габшагай ажалайнгаа түлѳѳ олон тоото орден медальнуудаар шагнагдаhан Цыремпил Жигжитович Ширабдоржиев мүн.

 
1974 онhоо 1994 он болотор Хориин аймагай «Удинский», гэhэн ажахын хүтэлбэрилэгшѳѳр хүдэлhэн намтартай. Тэрэ холын жэлнүүдтэ совхоз республикын түрүү ажахынуудай нэгэн ябаhан юм. Энэ нютагта хоёр дабха шэнэ hургуули, соёлой байшан, хүүгэдэй сэсэрлиг гэхэ мэтэ Ширабдоржиевай үүсхээр баригдаһан байха. Ажал тухайнь хэлэхэ болоо һаа, хорибуряадуудай нютагжаһан Шэнэхээн һээ 500 толгой буряад Үүлтэрэй хони, Тыва һаа ямаадые асарһан,Хониной арһа элдэлгын цех нютагтаа нээжэ, дуулан гутал, хубсаһан оегдожо эхилээ һэн тэрэ уе сагта.                                                                                                       

Энэ ажахын ажал тухай республикын мүн дээдэ зургаанай газетэдэ бэшэгдээ һэн, телевизор болон радиогоор нэгэтэ бэшэ дамжуулагдаһан гээшэ. « Клуб путешественников»  гэһэн суута дамжуулгын мээдэжэ хүтэлбэрилэгшэ Юрий Сенкевич эндэ ерэжэ, дамжуулгадаа ХОНИРХОЛТОЙ  МАТЕРИАЛ СУУГЛУУЛЖА ОШОһОН.                                                                        

Цыремпил Жигжитович арадай һуургуулида анхаралаа хандуулдаг байһан. Хориин аймагай Удинскын дунда һургуули республика соогоо 1980 онуудаар эгээн түрүүлэн һурагшадай лагерь неэһэн  гэхэдэ алдуу болохогуй. Тиигэжэ эдэнэрэй ВДНХ-гай лауреадууд болоходонь хүтэлбэрилэгшын хубита баһал байһан байха.    
 
Үе саг гээшэ
Үреэ хурдан хүлэгшүү
Зуг  татан зогсохогуй,
Зура сохин урагшаал дабхидаг
Жама еһотой хүн бшуу.   
 
Муноо Цыремпил Жигжитович наяа наһанайнгаа дабаандаа гаранхай, Людмила Фроловна Муруева нүхэртэеэ үхибүүдээ хүл дээрэнь гаргаад, бултыень һургуули худартай болгонхой, бунхан ажаһууна,  үхибүүдынь булта айл болонхой, аша зээнэрынь гушануудыень асаржа үбдэг тойрулаан, эжы абаяа жаргууланхай.
 
Яруунын Маарагта нютагай Харгана угтай Жигжитовтэнэй ехэ угта Цыремпил нагаса эгээл үндэр наһатан болонхой. Тиимэһээ олон тоото түрэлхидынь түрэ хуримда , ойн баярта ахатанаа хүлеэжэл байдагынь гайхалгүй. Энэй хүнэй эдэбхи үүсхэлээр тоогуй олон түрэл гаралнуудынь зунай һайхан сагта элинсэг хулинсагуудайнгаа бууса болохо Маарактада сугларжа, уг гарбалайнгаа тахижа байха нангин газарнуудта мүргэжэ, Сагаан Убгэн гэжэ тахилгатай газарта мүргэжэ, үхибүүдээ танилсуулжа, һонин уг гарбалайнгаа түүхэтээ танилсадаг. Түрэлхидынь энэ уулзалгада Эрхуу, Москва, Шэтэһэшье буудаг.
 
1997 ондо абгынгаа хубуудэр Сагаан Үбгэн обоодоо бунхан бүтээгээ.  
 
Цыремпил Жигжитович аргагүй  шатарта дуратай хүн. Уг унгяараа манайхин шатарта эльгэтэй зон. Бато Цыдыпович Цэрэндэлэгэй үелэтэеэ ( муноо үгы,нэгэдэхи классай шатаршан байгаа) һуни дүүрэн һуужа , энэ урданай һонин наада- шатар табидаг байгаа. Манай нютагтаа Бато Цэрэндэлэгэйн нангин дурасхаалай нэрэтэ шатараар республиканска мүрысөөн үнгэргэгдэдэг. Бухы аймагуудһаа,Улаан- Удэһөө шатаршад суглардаг ( томошуулшье ба үхибүүд). Нагасамнай үг гарбал тухайгаа ехэтэ һонирхожо, ехэхэн һонирхолтой зүйлнүүдые сууглуулжа бэшэдэг болонхой.
 
Хүгшэн эжынинь Мэгжын эбэр тоонтотой. Галзууд угай Галсан гулваагай басаган байһан.  Цыремпил  Жигжитовичэй нагасанарай угайхид республика дотор мэдээжэ зонууд:элитэ зохеолшон Шираб Нимбуев,  поэт Намжил Нимбуев, дайнай хатуу шэрүүн жэлнүүдтэ «Карл Маркс» нэрэмжэтэ Яруунын аймагай миллионер болоһон колхозой түрүүлэгшэ ябаһан суута Цыремпил Гомбоев.Олондо мэдээжэ Жаргал Бадмацыреновой дуулаhан «Эгэтын -Адаг» гэжэ дуун соо энэ түрүүлэгшэ тухай куплет бии юм.

 1990 оной эхеэр Монгол һайхан ороноор айлшалжа ябахадань , нүхэдынь hэеы гэр доторхи эд бараатайнь бэлэглэhэн юм.Харин гэртээ бусахадаа, тэрэнээ Удинск нютагайнгаа һургуулида бэлэг болгон бариhан. Дороhоо ургажа ябаhан залуушуул, мүн хүн зомной буряад арадайнгаа байдал болон түүхэтэй танилсажа байг гэжэ һанаһаниинь бүрүү бэшэ.
 
Нагасамнай үшөөл олон жэлнүүдтэ һургаал заабарияа хэлэжэ, ажалай дүй дүршэлөөр хубаалдажа һууг лэ.
 
P.S. Полностью очерк с мультимедийной презентацией будет представлен на секции .

Жамьянова И.В.