Нарин голын эхиндэ

Наратай байха естой доо

Настай баабайн үргөөндэ

Найртай байха естой доо.

Зүлгэн дээгүүр табихада,

Юунын тоосо байхаб даа.

Зонхэнөөрөө ябахада

Юунын зэм байхаб даа.

Хүтэлөө газараар харгылсан

Хүлэг мори – эрдэни.

Хүни зоноор танилсуулсан

Хүүхэн дүүхэй – эрдэни.

Хада газараар харгылсан

Хазаарта мори – эрдэни.

Хариин зоноор танилсуулсан.

Хайратай дүүхэй – эрдэни.

(Зоригма Мункуева Санзуева Гүргэма Дарицыреновна гэжэ нагаса эжыһээн бэшэжэ абаа).

Хадын оройгоор харахадам даа,

Харанхы манан соо наран байна даа.

Хагда ногоон соо харахадам даа,

Хайратай дуутай булжамуур байна.

Хайратай дууень дуулахадаа,

Ханилсан инагни санагдана даа.

Уулын оройгоор харахадам даа,

Утаатай манан соо наран байна даа.

Ургамал ногоон соо харахадам даа,

Уянхан дуутай булжамуур байна.

Уянхан дууень дууламсаараа

Ухаанайм инаг санагдана даа.

Шэлын оройгоор харахадам даа,

Сэнхир манан соо харахадам даа,

Шэнхинүүрхэн дуутай булжамуур байна

Шэнхинүүр дууень дууламсаараа,

Шэнэлсэн инагни санагдана даа.

(Додо - Үшөөтэйн  һургуулиин һурагшад

Батодоржиев Терентий гэжэ нютагай үбгэжөөлһөө бэшэжэ абаа).