Аюшеева Дари Дугаровна хөөрэжэ үгөө: «Комсомолшууд артелиин ажахыда ехэхэн hуури эзэлдэг hэн. Артельдэ hайнаар хүдэлхэhөө гадна, тэдэнэр шэнэ сагай ёhо гурим байгуулгада ехэхэн үүргэ дүүргэhэн юм. Улаан буланда сугларжа, ямар ажал хэхэеэ зүбшэлсэдэг, тэндээ шэнэ түхэлэй наадануудые эмхидхэдэг байгаа. Шабартын комсомолшууд гансашье артелиингээ ажахые бэшэ, харин республикынгаа промышленностин алтан богоhые бодхоолсоhон юм.
Тэдэнэй дундаhаа Цыренова Цыбжид, Аюшеева Лайжад Абидуевна, би Аюшеева Дари Дугаровна гэгшэд 1932 ондо Постыгиевай нэрэмжэтэ заводой барилгада комсомолой путёвкоор хүндэтэйгөөр эльгээгдээ hэн. Түрүүшынь хоёр заводой барилгада нилээд удаан хүдэлмэрилhэн байгаа иигэжэ Шабартын комсомолшуудай түглөөлэгшэд республикынгаа индустриин эхинэй ехэ гуламта байгуулалсаhан түүхэтэй».
Цыренова Дарима Санданова – краевед
Комментарии