Гэгээрэл

Шабартын hургуулиин эгээ түрүүшын шаби байhан коммунист Базарова Тогоошо Цыреновнае hургуули тухайгаа хөөрэжэ үгэхыень дурадхабабди. Коммунистын хөөрөөнhөө: «Агууехэ Октябриин туяа гэрэл бүхы орон доторнай сасаран, аяар холын манай Шабартадашье гэрэлтэн ерээ hэн. 1922 ондо «Дамбын ехэ байшан» соо нэгэ хэды парта табяад, ном заалгажа эхилээ бэлэйбди. Энэ hургуули байhан гэрнэй hүүлдэ Хамнида асрагдажа табигданхай.

Косогорто Цыренов Даша-Жабай гэрэй наана бишыхан сагаар гэр байна. Тэрэл манай hургуулиин байшан байhан юм. БагшамнайБанзаракцаев Жамса гэжэ хүн байhан юм. Тангаад,монгол, ород бэшэгүүдые мэдэдэг ехэ бэрхэ хүн hэн. Маанадта монгол бэшэг заадаг бэлэй. Монгол номоо сээжэлдээд лэ уншажа байдаг hэмди. Бэшэхэ, гэхэдэ, саарhа карандаашье үгы байдаг багаа. Һүүлдэнь Русанов Василий Ефимович гэжэ ород багша ород бэшэг заагаа hэн. Шабартаhаа эгээ туруушынхиеэ 4-хэн лэ басагад hурадаг hэмди. Нэрлэбэл: Цыренова Цыбжид (Буянтуев Иннокентиин Аюша хүгшэнэй эжы), Лубсанова Гасаран (ехэл hүбэлгэн басаган бэлэй, үшөө тангад бэшэг мэдэдэг байhан юм), Очирова Тогоошо.

Эдэ хоёрнай Улан-Удэдэ ажаhуудаг, бинь Хамнидаа байна гээшэ аабзад. Тиихэдэ мантай суг hураhаг хүбүүд гэбэл: Доржиев Гомбо Бадмаевич, ЖигжитовБадма Бадмаевич, Аюшеев Содном Дугарович, Будаев Жэмбэ Эрдынеевич гэгшэд болонод. Манай hургуулида Үнилга, Хасууртай, Бүргэ нютагуудhаа үхибүүдерэжэ hурадаг hэн. Хасууртай hаа Бальжитов Даша-Нима (Бадмаев Буладай үбгэ эсэгэ), Тогмитов Аюр (Абидуева Сэсэгмагай таабай), Чойжолова Цыремжид (Цыренова Надиин төөбиин дүү). Үнилгэhөө Аюша Халзаевич (Баир Николаевичай таабай), Жигмитов Гомбожап (Намжил Гомбоевичай баабай), Данзанов Цырен-Доржо, Мункуев Цыремпил гэгшэдhурадаг hэн»

Цыренова Дарима Санданова – краевед