Артель

1931 ондо Шабартада «Наранай туяа» гэжэ туруушын артель эмхидхэгдэhэн юм. «Улаан туяа» коммунашье энэ артельтэеэ нэгэдэhэн байна. Артельдэ эгээ туруушээр Очиров Аюша Будаевич (Юлия Иннокентьевнагай үбгэ эсэгэ), Аюшеев Абида (Цакирай дунда hургуулиин багшын Бардаханова Галина Доржиевнагай үбгэ эсэгэ), Гармаев Ринчин (Баир Николаевичай үбгэ эсэгын эсэгэ), Цыренов Бата Арданович (Цыренова Надин үбгэ эсэгэ), Дугаров Аюша (Аюшеев Саянай үбгэ эсэгынэсэгэ), Цыренжапов Сандан Рабжаевич гэгшэд туруушээр ороhон юм.

Аюшеев Аюша артелиин туруулэгшэ байhан байна. Тэрэ үзэг бэшэг мэдэхэгүйшьеhаа, ехэ эдэбхитай хүн байhан гэлсэдэг. Урдадаа хасагай албанда ябаhан, ород хэлэтэй, hүбэлгэн бэрхэ хүн байhан юм.

Артелиингэшүүгдhээнэгэнииньшье үзэг бэшэг мэдэхэгүй байгаа. Артельдэ Хамниин караулай зон олон байhан юм. Иигэжэ Ленинай сэсэн мэргэн нациоанльна политикын ашаар ород, буряад илгаагүй гар гараа барилсан, нэгэ артельдэ хамтаржа, хамтын нэгэ ажахы эрхилжэ эхилээ бэлэй.

Артелиин гэшүүн байhан Очирова Балма Аюшеевнагай хөөрөөнhөө: «Артелимнай түб Хамнидаа байдаг hэн.Цыренжапов Дамдин Ринчиновичай hуудаг гэрэй hуурида конторомнай байдаг байгаа. Счетовод, бухгалтернууднай бултадаа хамниинхид байха. Маанадта үзэг бэшэг мэдэхэ зон үсөөн, байгаал даа. Артелиин гэшүүгдтэ ажалта үдэртэ таряа, тоhо, мяха шэгнүүрээр хубаадаг hэн. Артель тогтоhоор аяар жараадтаа дүхүү жэл болобо. Мүнөө нютагнай ямар ехээр хүгжөөб, нютагаархиднай ямар hайн бадалтай болооб! Эдэ бүгэдэмнай Ленин багшын, Коммунис партии аша габьяа гээшэл даа! Нютагаархидаймнай шэнэдхэн хубилалгын ажал хүдэлмэридэ мүнөө шармайн ороhониинь hайшалтан».

Цыренова Дарима Санданова – краевед