Асагад нютагай урданай дуунуудые нютагай зонhоо бэшэжэ абаабди.

Асагад

Асагад  ћайхан нютагнай

Арьяа Баалын орон лэ.

Аян олон γетэмнай

Амар жаргалтай ябаг лэ.

Уужам сагаан нютагнай

Отошо бурханай нютаг лэ.

Ухаатай олон γетэмнай

Омог  жаргалтай ябаг лэ.

Сэлгеэ сагаан Асагаднай

Шэгэмγγни бурханай орон лэ.

Сэсэн олон γетэмнай

Сэнгэжэ жаргажа ябаг лэ.

Шог ёгто дуун

Ардагаа унахаяа ћанаагγй аад,

Аргамжа хазаараа бэдэрнэлши.

Айдарлаад намтай ћуухагγй аад,

Асагадаараа юуень зарланабши.

Раднаев Ц.Р. 1902 ондо түрэһэн

Асагадай дасанай магтаал

Тамхитын баруун тээ нютагтайлби,

Тахижал байдаг бурхантайлби.

Наринхан Асагадтаа нютагтайлби,

Намсарай шγтθθн бурхантайлби.

Харахан Асагадтаа нютагтайлби,

Харажал байдаг бурхантайлби.

Заяалай, заяалай, заяалай даа,

Зонхобо бурхандаа мγргэмэй даа.

Игнаева А.Д., 1936 ондо түрэһэн

Гурбан Асагадай дуун

Асагад нютаг холол бэшэ,

Араараа харгытай аад, холо шэнги.

Хара Асагад холол бэшэ,

Хойгуураа харгытай аад, холо шэнги.

Добо-Ёнхор холо бэшэ,

Доогуураа  харгытай аад, холо шэнги.

Раднаев Ц.Р. 1902 ондо түрэһэн

Асагадай дасанай магтаал

Хада Булгатые тойрогшо

Хабтагай сагаан Yдэмнай.

Хабтагай Yдын хойморто

Харуулдамал сагаан дасантай,

Хамбаһаа залаһан ганжарынь

Ганжуур данжуур хуралтай.

Уула Булгатые тойрогшо

Уужам сагаан Yдэмнай.

Уужам Yдын хойморто

Улаан зандан дасантай,

Утайһаа залаһан ганжарынь

Ганжуур данжуур хуралтай.

Хγбшэ Булгатые тойрогшо

Хγγен байһан Yдэмнай.

Хγγен Yдын хойморто

Хγрин зандан дасантай,

Хγреэћээ залаћан ганжарынь

Хγрин хγжын хангалтай.

Раднаева Т.Ц., 1938 ондо түрэһэн