Эмгэй  эжы

Эмгэй  эжын  оорынь  нэрэ  -  Эрдэнитэ,  Малхарай  hамган,  алагуй  яhанай,  далайн  хойноhоо  ерэhэн.  Гурбан  эгэшэ  дуунэрэй  эгээн  ехэнь,  бултадаа  удаганууд  байhан  юм.

Орбонтодо,  муноо  тахидаг  газарhаа  дээшээ  буусань  байгаа.  Эмгэй  эжы  ехэ  эди  шэдитэй,  гурбан  хоног  соо  угы  юумэ  бии  болгодог  hэн.

 Буддын  шажанай  дэлгэрхэдэ,  боо  ба  ламанарай  хоорондо  тэмсэл  эхилhэн.  Юроодэ  Гуулиин  ламбагай  гэжэ  бэрхэ,  ехэ  номтой  лама  байгаа  юм.  Гуулиин  лама  эмгэй  эжы  хоёр  эди  шэдиеэ  узэлсэхэ  гэжэ  шиидэбэ.  Гуулиин  лама  заа  хубуун  боложо,  дэрэ  дороо  зуруулай  хайрсаг  хээд,  Эмгэй  эжын  ерэхые  хулеэжэ  хэбтэбэ.  Эмгэй  эжы  уур  сайхын  урда  ухэр  зугы  болоод,  Гуулиин  ламые  хадхажа  хорлохо  hанаатай  ниидэжэ  ерэбэ.  Лама  арга  гохоёо  гаргажа,  зуруулайнгаа  хайрсагта  хаажархиба.  Энэнь  Эмгэй  эжын  hунэhэн  байгаа.  Хайрсаг  соо  hунэhыень  удаан  барихадань,  Эмгэй  эжын  бэень  муудаба.  Тиихэдэнь  моритой  олон  хунууд  Гуулиин  ламада  ерэжэ,  «Эмгэй  эжымнай  амииень  табиит,  hунэhыень  табиит»  гэжэ  гуйhан  байгаа.

 Гуулиин  лама  Эмгэй  эжые  буддын  шажанда  орохо  угыень  абаад,  табиhан  юм.  Тиигэжэ  Гуулиин  лама  Эмгэй  эжыдэ  судар  зохёожо  угэhэн.  Тэрээнhээ  хойшо  Эмгэй  эжы  оорын  судартай,  тангаригтай,  Буддын  шажанай  мургэлтэй  болоо  hэн.  «Ерээдуй  сагта  Сэлэнгын  баруун  бэе  хуу  харалсахаб»,  тиихэдэ  «харида  ошоhон  хуухэдээ  ургэхэб,  бусаhан  бэреэдтэ  хату  байхаб»  гэжэ  тангариглаhан  юм.

Автор: Дарханова Светлана Балдановна, с. Ташир