Республика Бурятия

Выбрать регион
ВойтиЗарегистрироваться
Логин
Пароль
Забыл пароль

Краеведческий портал

Районы

Эрдынеева Полина Цыбиковна.

21 марта 2012
Эрдынеева Полина Цыбиковна.

Яруунын аймагаай Эгэтын-Адагай дунда hургуулида «Hолонго» гэжэ нэрэтэй газетын түрүүшын номер ноябрь соо хэблэгдэн гаргагдаба. Энэ газетэ хэблэлгэдэ Полина Цыбиковна Эрдынеева горитойхон хубитаяа оруулhан байха. Аймагаймнай «Ярууна» газетын эгээл эдэбхитэй хүдөө бэшэгшэдэй нэгэн Полина Цыбиковна болоно. Үшөө hургуулидо hуража ябахадаа, «Пионерская правда» газетэдэ багахан тэмдэглэл бэшэжэ эльгээхэдэнь, тэрэнь толилогдоhон намтартай. Тэрэ гэhэн сагhаа хойшо аймагайнгаа «Улаан-Туяа» мүнөө «Ярууна» газетэдэ гуурhанайнгаа хурсые туршажа эхилhэн юм.

 

Полина Цыбиковнагай бага балшар наhаниинь Үльдэргдэ үнгэрhэн болоно. Тэндээ 7-дохи класс дүүргээд, Улаан-Үдын 1-дэхи интернат-hургуулида 10-дахи класс дүүргэhэн намтартай. «Нэгэ ехэ бүлын үхибүүд мэтэ эбтэй эетэйнүүд байhамди» - гэжэ Полина Цыбиковна интернадта сугтаа hураhан нүхэд тухайгаа дурсаа hэн.

 

1964 ондо Доржо Банзаровай нэрэмжэтэ багшанарай институдай буряад хэлэ бэшэгэй факультет дүүргээ. Институдай hүүлээр хоер жэлдэ Зэдын аймагта ажаhууhан, ажаллаhан. Удаань Эгэтын-Адагай дунда hургуулида буряад хэлэ заадаг болоо. Хоер үхибүүтэй болоhоншье hаа, Полина Цыбиковна Эрхүүгэй Хо Ши Минэй нэрэмжэтэ багшарарй институдай хари хэлэнэй факультет заочноор дүүргэжэ гараа.

 

Санжа Баторович хани нүхэрынь бэлигтэй журналист, уран зохёолшо, оршуулагша байhан юм. Манай «Ярууна» газетын уран зохёолой «Булагай» хуудаhандо нэгэтэ бэшэ Санжа Баторовичай уянгата шүлэгүүд, зүрхэ сэдьхэл хүдэлгэмэ уянга, үгүүлэл, рассказууд толилолгдоhон байха. Теэд хүндэ үбшэндэ нэрбэгдэжэ, сагhаа урид наhа барашоо hэн.

 

Институдай hүүлээр Полина Цыбиковна түрэл hургуулидаа англи хэлэ заажа элилhэн. 1986 ондо утадхагдаhан үдэрэй бүлэгэй хүмүүжүүлэгшээр хүдэлhэн. Энэ хугасаа соо хэдэн олон үеын hургуулиин шабинарта зааhан гээшэб, тоолошогүй бэзэ даа.

 

Мунөө Полина Цыбиковна Эрдынеева hургуулидаа эдир бэшэгшэдэй кружогые хүтэлбэрилдэг. «Булаг» гэhэн уран зохёолоймнай хуудаhанда Эгэтын-Адагай дунда hургуулиин hурагшад шүлэгүүдээ толилуулдаг. Жэшээнь, эдир бэшэгшэдэй «Алтан гуурhан» гэhэн республиканска конкурын ёhоор аймаг дотороо энэл hургуулиин hурагша Норбо Нимаевай бэшэhэн зураглал бусадhаа шалгаржа, тэрээндэ мүнгэн шан барюулагдаа бэлэй. Үнгэрэгшэ зун «Черёмушки» гэдэг хүүгэдэй амаралтын лагерьта үнгэргэгдэhэн эдир журналистнуудай фестивальда хабаадаха Яруунынгаа эдир бэшээшэдые абаашаhан юм. Энээн тухайгаа аймагайнгаа «Ярууна» газетэдэ тобшохоноор бэшэжэ эльгээhэн юм.

 

«Буряад Үнэн-Дүхэриг» газетэдэ «Буряадай түрүү зон» гэhэн конкурсдо нютагайнгаа эрхим хүнүүд тухай бшэжэ эльгээдэг байгаа. Тиигэжэ конкурын үрэ дүнгүүдээр Полина Цыбиковна 1997, 1999, 2000 онуудта авторынь байгаа. Нютагайнгаа «Аялга» гэhэн арадай дуунай хоорто дууладог, «Зандан Жуу» арадай театрта эдэбхитэйгээр хабаадажа, гол рольнуудта наададаг байна.

 

Эршэтэ ажалайнгаа түлөө П.Ц.Эрдынеева 1987 ондо СССР-эй hуралсалай Министерствын зүгhөө Хүндэлэлэй грамотаар, 1991 ондо «Арадай гэгээрэлэй отличник» гэhэн үндэр нэрэ зэргэдэ хүртэhэн, тооложо барашагүй олон тоото Хүндэлэлэй гратоманууд үгтэhэн байна. Жаргалтай эхэб, хүгшэн эжыб гэжэ өөрынгөө тоолодог. Санжа нүхэрэйнгөө гээгдэхэдэ, гурбан үхибүүдээ үншэрөөнгүй «хүлынь дүрөөдэ, гарынь ганзагада» хүргэhэн гээшэ. Тиигэжэ Ханда еха басаганиинь, Эрдэни хүбүүниинь эхынгээ замаар дабшажа, хүнгэн бэшэ багшын ажал шэлэhэн байна.

Автор: юлиана
Просмотров: 2064

Комментарии

Для добавления комментариев необходимо авторизоваться на сайте
Добавить материал

Родное село
Цель портала - объединение всех кто любит свое село, у кого болит сердце за его будущее, кто не хочет забывать свои корни.
e-mail:
Яндекс.Метрика
Создание сайта -