Лупсанова Арюна Баторовна -  Оёорой дунда һургуулиин,  гурбадахи жэлээ ажаллажа байһан,  физикэ ба информатикын багша.

2011 ондо Буряад республикада болоһон,  эгээ эрхим залуушуулые элирүүлжэ, тэдэниие урмашуулха гэһэн зорилготой конкурсда хабаадаһан байнаб. Конкурсын түрүүшын шатада 100-гаад хабаадагшадһаа портфолионуудые , дипломой баллнуудые хаража үзэхэдэнь, хоёрдохи шатада юрэдөөл 34 хүнүүд  гараабди. Һүүлдэнь мэргэжэлээрээ проект зохёохын шатада «Новая информационная технология по физике» гэһэн проект хамгаалжа, саашань электронно пособи бүтээгээб. Конкурсын дүнгүүдээр илагшадай тоодо орожо, 500 мянган түхэриг шүүгээд, 5 жэлэй хүдэлмэриин хэлсээ баталагдаһан байна.

Аймагай ба баруун округойнгоо залуу  багшанарай бүлгэмэй гэшүүн болоод, элдэб уулзалгануудта, мүрысөөнүүдтэ ябадаг болооб.  В.В. Наговицынтай «Встреча без галстуков» гэһэн уулзалгада хабаадалсаһандаа ехэ баяртайб. Үшөө информатикын бүлгэмэй багшанарые угтажа, нээмэл хэшээл үгэһэн байнаб.Һурагшадни аймагайнгаа олимпиадада хабаадаа, харин би  өөрөшье экспертээр ажал ябуулжа туршааб.

Наһанайм хани нүхэр Сергей Владимирович  энэ жэл албаяа дүүргэжэ ерээд, түрэ хуримаа наяргаабди.

2012 ондо хоёрдохи дээдэ һургуулияа дүүгэжэ, «Менеджер в образовании» гэһэн мэргэжэлтэй болохоб. Дүй дүршэлөө баяжуулжа, һайн шабинартай болохоёо һанадагби.

Бүхы залуу уншагшадтаа нэгэ үгөөр бэе бэеэ ойлголсожо,  хүдэлжэ,  бэе бэедээ тон дуратайгаар хандажа байя гэжэ үреэлнэб.