Турэсэн суусан нютагтамнай Туби дэлхэйн эрьесээр, Тубшэн байра тогтожо Туруушын намар ерэбэ.

«Суулчын Спасай» удаагуур

Хюруун гэнтэ унажа,

Хагдаржа ногоон эхилбэ,

Хамаг дэлхэй шарлаба.

Байгаали нэгэ заа уяржа,

Бороон орохоео болибо,

Халуун удэрнууд тогтожо,

«hамгадай зун» ерэбэ.

Хамаг зомной яаража,

Хартаабха малтажа эхилнэ,

Убhэнэй бэлдэлгыу дуургэхэеэ

Удэр бури тухашарна.

Алтан сайхан таряамнай

Амта эдеэндээ орожо,

Таряа хуряалгын сагаймнай

Таряашадта ехэ хулгѳѳтэй.

Сентябриин дунда удэрнуудтэ

«Семеновой шииг» боложо,

Саhа бороон холин байжа,

Сагаа алдангуй ороно.

Санта баабайн оройдо

Сартагтайн ундэр хадада,

Сагдуултын Аршаантын ундэртэ

Саhан хайлангуй, тогтоно.

Таглиин нуурай загаhад

Тургэн яаран тамаржа,

Хоолой уруугаа уруудан,

Химнэ тээшээ зудхэнэд.

Бугын дуун эхилжэ,

Байгаали гоеор суряатуулна,

hуулшынхиеэ Таглида оймоод лэ,

Хандагай баруулжаа дабшана.

Эшээнэй амитад хулгѳѳтэй

Убэлэйнгээ байра бэлдэнэ,

Баабгай таргаа абана,

Дорго тарбагад нойрсоно.

Хэрмэ булгад сошордожо,

Хуушан дэгэлээ hэлгэнэ.

Эдихэ юумэеэ бэлдэжэ,

Эндэ тэндэ гуйлдэнэ.

Хоер Хамар Дабаанай

Хоорондо байсан гурѳѳhэд,

Саhан, хуйтэндэ турюулжэ,

Сошордон урагшаа ороно.

hамар жэмэсэй бэлдэлгэдэ

Хамаг зомной тухеэржэ,

Хамар Дабаанай хушад руу

Хойшоо зорин ошонод лэ.

Агнууриин саг ерэжэ,

Ангууша эдир хубууднэй,

Хангайн хайрада хуртэхэ гэжэ,

Хамар Дабаан тээшээ яаранад.

      Дамбаев Б.Ч.