Республика Бурятия

Выбрать регион
ВойтиЗарегистрироваться
Логин
Пароль
Забыл пароль

Краеведческий портал

Районы

Бурханай буудалтай субарга

15 марта 2012
Бурханай буудалтай субарга

Бурханай буудалай субарга

Дүтэлүүр нютагаймнай зон субарга бариха гэжэ хэлсэбэ. Монлом ламбагай Монголhоо бүмбэ асараа. Майн 9-дэ Улан-Удэhөө Дүйнхэр багша морилжо, субаргымнай бодохо газарта ехэ уншалга хэжэ, бүмбэ нюуhан байна.

 
Дулмаев Жигжит Бадмаевич Улаан-Үдэ ошожо, манай нютагhаа уг гарбалтай, амжалта ехэтэй хүдэлжэ байдаг, урагшаа hанаатай хүбүүд, басагадаараа уулзажа, субаргын баригдахаа байhыень дуулгажа, хандабари үргэжэ ба бүхы ажалдань туhалхыень уряалба. Дышенов Б., Цыбиков В. ба булта Улаан-Удэдэ ажаhуудаг нютагаархимнай ехэ хубитаяа оруулалсаба.
 
Уданшьегуй манай нютагай хүбүүн, Энэдхэгтэ hураhан ламбагай Цыденов Баясхалан  барилгын проект асаржа угөөд: « Би эжытэеэ, аха дүүнэртэеэ хамта бурха бүтээжэ энэ субаргадаа залахаб, арга шадалаараа туhалхаб»- гэжэ хэлээ hэн. Нютагаймнай Эрдэни Будаев 8 т. цемент Тимлюйн заводhоо асараа.
 
Майн 19-нэй үдэр Доржиев Аюрай машинаар барилгын хэрэгсэлнуудые хада дээрэ гаргаhан байна. Энэ үдэр ажал эхилhэн юм.
 
Субаргын барилгада түрүүшын үдэрhөө эхилээд, нютагай эдэбхитэй, hайн hанаатай, шуран солбон хүбүүд хабаадалсаа: Будаев Гарма, Бадмаев Доржо, Бадмаев Бимба, Бадмаев Алексей, Цыденов Сергей, Дареев Ринчин, Норбоев Арсалан.
 
Хура бороондошье, халуун нарандашье эдэ хүбүүд ходо ажалда хабаадалсаа. Базаров Валерий нэгэ багса электрод асаржа угөө.
 
Июниин 5-да манай нютагай хүбүүн, эрхим барилгашан, инженер-строитель Абашеев Баир Сергеевич барилгын бригада эмхидхэжэ, өөрөө ударидажа, субаргын hуури татаа. Энэ бригада ехэ журамтай, халуун нарандашье, бороо хурадашье hаатангуй барилгаяа хээ. Эдэнэр: Шагдаров А.Б., Береговой Г.Б., Абгалдаве Ч.Б., Очиров Ж, Тарбаев Ж.Б., Шойдоков Ч., Бадмаев Б.
 
Манай нютагай ( урдандаа столоводо худэлhэн) бэрхэ тогоошод Будаева Римма Шагдуровна, Лубсанова Марта Пагмаевна, Цыремпилова Софья Очировна барилгашадымнай амтатай хоолоор эдеэллуулээ.
 
Уданшьегуй бандагтахи доодо амбаар бүтэжэ, олон янзын эдеэ хоол, таряан, табан үнгын торгон, 108 хадаг бүхы зонhоо суглуулагдажа, Монлом ламбагайн заабаряар хэгдэhэн байна.
 
Хоёрдохи сэнтиидэхи амбаартань hарьдаг уулын ургамалнууд: тэрэлжэ, hангизай, ая ганга, сагаан дали; эрдэниин зуйлнууд, алтан, мунгэн, табан унгын хадагууд ороhон байна.
 
Субаргын орой дээрэ « амин модон» гэжэ 4 метр утатай дүрбэн зүгтэнь тарни бэшээтэй сагаан модон ороно. Энэ модые үдэрэй hайнда, тэрэ газартань ном уншажа, дүрбэн тэгшэ хүн отолдог.
 
Энэ ехэ хүндэ, нарин нягта ажал   мунөө Ивалгын дасанай шажанай дээдэ hургуулиин 5-дахи курсын хубараг Гылыков Булат бүтээhэн байна.
 
Субаргамнай хүсэндөө хүрэжэ харша hуудал бүтээгдэжэ, сагаан hайханаар будагдажа,  октябриин 25-да  арамнайлагдаба..

Автор: Очирова54
Просмотров: 2452

Комментарии

Для добавления комментариев необходимо авторизоваться на сайте
Добавить материал

Родное село
Цель портала - объединение всех кто любит свое село, у кого болит сердце за его будущее, кто не хочет забывать свои корни.
e-mail:
Яндекс.Метрика
Создание сайта -